April 26, 2024
ભાડા માટે બે ઓરડાના મકાનના લાકડાના દરવાજા પર, એક નાના બાળકનું લખાણ ચોકથી લખાયું છે, ‘સોરી અમ્મા’. તેની માતાના નામે આ સંદેશ એક 12 વર્ષની છોકરીનો છે જે છેલ્લા 2 વર્ષમાં 30 થી વધુ લોકોના બળાત્કારનો શિકાર બની ચૂકી છે તેણે લખ્યો છે. શનિવારે અધિકારીના આશ્રયસ્થાનમાં જતાં સગીર પીડિતાએ આ રીતે તેની માતાની માફી માગી હતી.
આ છોકરી પર બળાત્કાર કરનાર વ્યક્તિ તેના પિતા સાથે પરિચિત હતો. તેના માતાપિતા બંને પુત્રીના જાતીય શોષણથી વાકેફ હતા,પરંતુ એવો આરોપ છે કે તેઓ પૈસા માટે ચૂપ રહ્યા. આ દુર્ઘટના પછી પણ પુત્રી ઇચ્છતી નથી કે તેના પિતાને સજા મળે, કારણ કે જો પિતાને કેદ કરવામાં આવે તો ઘરે વધુ આર્થિક સંકટ આવશે.
Trending News
પહેલી વખત આ છોકરીનું જાતીય શોષણ ત્યારે થયું જ્યારે તે માત્ર 10 વર્ષની હતી. પરંતુ આ બાબત ત્યારે સામે આવી આઠમાં ધોરણમાં ભણતી વિદ્યાર્થીનીએ કાઉન્સિલિંગ દરમિયાન પોતાની આપવીતી સંભળાવી હતી. શાળા તેના ભાડેથી બનાવેલા મકાનથી માત્ર 500 મીટર છે. ટાઇમ્સ ઓફ ઈન્ડિયા સાથેની વાતચીતમાં એક સલાહકારે કહ્યું કે પીડિતાની વેદના સાંભળીને તેઓ પણ આશ્ચર્યચકિત થઈ ગયા. પરંતુ આ બધા છતાં, બાળકને ખબર હતી કે તે તેના પરિવારની આવકમાં કોઈ પણ રીતે ફાળો આપી શકશે નહીં.
કેરળના જાહેર શિક્ષણ વિભાગમાં કાર્યરત કાઉન્સેલરે કહ્યું, જ્યારે બાળકને પૂછવામાં આવ્યું કે તેના ઘરમાં શું ચાલી રહ્યું છે, તો તે રડવા લાગી. તેણે કહ્યું કે તેના પરિવારમાં બીમાર દાદી છે, ઘરની આર્થિક પરિસ્થિતિ ખૂબ ખરાબ છે, તેઓ ઘરનું ભાડુ પણ ચૂકવી શકતા નથી. તેને ચિંતા હતી કે જો તેના પિતાની ધરપકડ કરવામાં આવે તો પરિવારને આર્થિક મુશ્કેલી પડશે. પીડિતાને ખ્યાલ પણ નથી હોતો કે તેની સાથે જાતીય શોષણ કરવામાં આવી રહ્યું છે.
પીડિતાએ સલાહકારને કહ્યું, પહેલા તેના પિતાના મિત્રએ તેના પર બળાત્કાર ગુજાર્યો, આ વ્યક્તિ તેના પરિવારને પૈસા આપતો હતો. પાછળથી, વધુ લોકો તેના જાતીય શોષણમાં સામેલ થયા. ત્યાં એક ત્રીજો વ્યક્તિ પણ હતો જે આ બધા લોકો પાસેથી પૈસા વસૂલતો હતો, આ વ્યક્તિ પીડિતાને ક્યારેય મળ્યો નથી. યુવતીના પિતા બેરોજગાર છે અને લાગે છે કે તેણે પહેલા પીડિતાની માતાને વેશ્યાવૃત્તિમાં ધકેલી દીધી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
તમે અમને વૉટસએપ, ટેલિગ્રામ, ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
