સુરતમાં સ્પાની આડમાં ધમધમી રહ્યું હતું કુટણખાનું, દરોડા પાડતા 4 મહિલા અને 3 યુવકો એવી હાલતમાં મળી કે…

સુરતમાં સ્પા અને મસાજની આડમાં છેલ્લા કેટલાક સમયથી કુટણખાનાં(Spa in Surat) શરૂ થઈ ગયા છે જેને લઈને સગીર વયના વિદ્યાર્થીઓ પણ સ્પા અને મસાજમાં જઈ રહ્યાં છે. શહેર પોલીસ કમિશનર અજયકુમાર તોમરની સૂચના હેઠળ શહેરમાં સ્પાના નામે દેહ વ્યાપારના ધંધો કરતા ઇસમોને પોલીસ શોધી રહી છે. તેની પર કાયદેસરની કાર્યવાહી કરવા A.H.TU. સેલના પો. ઇન્સ. જી.એ.પટેલ તથા તેમની ટીમને સૂચના આપવામાં આવી છે.

પાંડેસરા રોડ પરબમરોલી રોડ પર આવેલા સિધ્ધી વિનાયક પ્લેટેનીયમ શોપીંગ સેન્ટરમાં હર્બલ બ્યુટી એન્ડ સ્પા- મસાજની આડમાં ચાલતું કુટણખાનું(Spa in Surat) ઝડપાયું છે. એક હરિયાણાની મહિલા સંચાલક સ્થાનિકો સાથે મળીને બહારથી છોકરીઓ બોલાવીને આ કુટણખાનું ચલાવતી હોવાની માહિતીને આધારે AHTU ટીમે દરોડા પાડીને ચાર મહિલાઓ અને ત્રણ ગ્રાહકોને પકડી પાડ્યાં હતા, આ મામલે પાંડેસરા પોલીસે વધુ કાર્યવાહી હાથ ધરી છે.

AHTU ટીમના હેડ કોન્સ્ટેબલ ઘનશ્યામ સિસોદિયાને માહિતી મળી હતી કે પ્લેટેનીયમ શોપીંગ સેન્ટરના બીજા માળે “દુકાન નં.એમ-24,25 હર્બલ બ્યુટી એન્ડ સ્પા” સ્પાના માલીક રિટાબેન જોષેફ આ કુટણખાનું ચલાવી રહ્યાં છે. પોતાના સ્પા પાર્લરમાં બહારથી છોકરીઓ બોલાવીને કુટણખાનું ચલાવી રહ્યાં છે ત્યારે મસાજ પાર્લરમાં સમસુ ઝા જમિરુલ્લ ઇસ્લામ (ઉ.વ-23) (રહેવાસી-હરીનગર-૦1 ઉધના સુરત શહેર મુળ વતન વેસ્ટ બંગાળ)ને, સંચાલકની નોકરીએ રાખીને તેમજ સ્પામાં છોકરીઓને સપ્લાય કરનાર રાજા ઉર્ફે રાજ મરાઠી, સંતોષ, છોટુ બિહારીના મારફતે 4 યુવતીઓને પોતાના મસાજ પાર્લરમા બોલાવી રાખી હતી.