ઓડિશાની મહાનદીમાં એક જ ગામના 50 લોકોથી ભરેલી બોટ પલટી જતાં 8 મુસાફરોના મોત

Odisha Boat Capsize: શુક્રવારે ઓડિશાના ઝારસુગુડા જિલ્લામાં મહાનદીમાં એક બોટ પલટી જતા 50 લોકોમાંથી સાત લોકોના મોત થયા હતા. મૃતકોમાં ત્રણ બાળકોનો પણ સમાવેશ થાય છે. જ્યારે 1 વ્યક્તિ હજુ પણ ગુમ છે. ગુમ થયેલા વ્યક્તિની શોધખોળ માટે ઓપરેશન હાથ(Odisha Boat Capsize) ધરવામાં આવી રહ્યું છે. મુખ્યમંત્રી નવીન પટનાયકે પણ મૃતકોના પરિવારજનો માટે 4 લાખ રૂપિયાની જાહેરાત કરી છે. પોલીસે જણાવ્યું કે દુર્ઘટના સમયે પડોશી રાજ્ય છત્તીસગઢના ખરસિયાના લગભગ 50 લોકો બોટમાં સવાર હતા, જેઓ ઓડિશાના બરગઢ જિલ્લાના પાથરસેની કુડા સ્થિત મંદિરમાં દર્શન કરીને પરત ફરી રહ્યા હતા.

સ્થાનિક માછીમારોએ 35 લોકોને બચાવ્યા
એક પોલીસ અધિકારીએ જણાવ્યું કે બોટ ઝારસુગુડા જિલ્લાના રેંગાલી પોલીસ સ્ટેશન હેઠળના શારદા ઘાટ પર પહોંચવાની તૈયારીમાં હતી ત્યારે આ અકસ્માત થયો. તેમણે કહ્યું કે સ્થાનિક માછીમારોએ 35 લોકોને બચાવી અને કિનારે લાવ્યા હતા.જયારે ગુમ થયેલા વ્યક્તિની શોધખોળ માટે ઓપરેશન હાથ ધરવામાં આવી રહ્યું છે.

STORY | Toll in #Odisha boat capsize rises to 7 with recovery of 5 more bodies

READ: https://t.co/H1ZejaLeW9 pic.twitter.com/qqAqmV0YnN

— Press Trust of India (@PTI_News) April 20, 2024

7 લોકોના મૃતદેહ મળી આવ્યા
આ ઘટનામાં ડૂબી જવાથી મૃત્યુ પામેલાઓમાં રાધિકા રાઠીયા, કેસરબાઈ રાઠીયા, લક્ષ્મી રાઠીયા, બાળક કુણાલ રાઠીયા અને એક બાળક નવીન રાઠીયાના મૃતદેહ મળી આવ્યા છે. આ ઘટનામાં 8 લોકોમાંથી 7 લોકોના મૃતદેહ મળી આવ્યા છે. એક વ્યક્તિની શોધ હજુ ચાલુ છે. આ તમામ લોકો છત્તીસગઢના ખરસિયા વિધાનસભા ક્ષેત્રના હોવાનું કહેવાય છે.