November 28, 2024
કોરોનાને હરાવી ઘરે પરત ફરતા લોકોને વધાવતા જોયા છે પરંતુ અહિયાં ઊંધું જ થઇ ગયું. અહિયાં કોરોનાને હરાવી ઘરે પરત ફરી રહેલી મહિલાને તેના જ પતિ અને દીકરીએ ઢોર માર માર્યો હતો. આ મહિલાએ તેના પતિ અને પુત્રી વિરુદ્ધ પોલીસ સ્ટેશનમાં આ અંગે ફરિયાદ પણ નોંધાવી છે. મધ્યપ્રદેશના છિંદવાડમાં એક મહિલાને કોરોના પોઝીટીવ આવ્યો હતો.
છેલ્લા 17 દિવસથી તેની ખાનગી હોસ્પિટલમાં સારવાર ચાલી રહી હતી. જ્યારે તે 17 દિવસ પછી ઘરે પરત ફરી ત્યારે તેનો પતિ સંજય પટોરિયા અને પુત્રી વંશિકા પટોરિયાએ તેની સારવારમાં ખર્ચ કરવામાં આવેલા પૈસા અંગે શોભના સાથે દલીલ શરૂ કરી હતી.
અહિયાં પતિ અને દીકરી પર મારપીટનો છે આરોપ:
પીડિત મહિલાના જણાવ્યા મુજબ આ વિવાદ એટલો વધ્યો કે તેના પતિ અને પુત્રીએ તેના પર જીવલેણ હુમલો કર્યો, પાછળથી તે પોતાનો જીવ બચાવતા ત્યાંથી ભાગી હતી અને પહેલા સારવાર મેળવી ઓક્સિજન માસ્ક લઇને કોતવાલી પોલીસ સ્ટેશન પહોંચી હતી જ્યાં તેણે પતિ અને પુત્રીની ફરિયાદ નોંધાવી હતી.
Trending News
મહિલાનો આક્ષેપ – તેના પર જીવલેણ હુમલો કરવામાં આવ્યો હતો.
પીડિતાએ પોલીસને જણાવ્યું હતું કે તેના પતિ અને પુત્રીએ તેના પર છરી વડે હુમલો કર્યો હતો અને તેને માર માર્યો હતો. તે હજી પણ કોવિડ દર્દી છે અને હોસ્પિટલમાંથી રજા મળ્યા બાદ આનંદ હોસ્પિટલથી 16, 17 દિવસ પછી આવી હતી. તેના પતિ અને પુત્રીએ તેની સારવાર માટે ખર્ચ કરવામાં આવેલા પૈસાને લઈને તેની સાથે ઝઘડો શરૂ કર્યો હતો. પતિ અને પુત્રીએ તેના પર છરી વડે હુમલો કર્યો, તે કોઈક રીતે તેનો જીવ બચાવવામાં સફળ રહી હતી અને સીધી જ પોલીસ સ્ટેશન પહોચી હતી.
પોલીસ કેસની તપાસમાં લાગી
કોટવાલી પોલીસ સ્ટેશનમાં પીડિત મહિલાની સાથે આવેલા સામાજિક કાર્યકર પૂર્ણિમા વર્માએ જણાવ્યું હતું કે, શોભના પટેરિયાના પતિ સંજય પટેરિયા અને પુત્રી વંશિકાનું પારસીયામાં ઘર છે. શોભના પટોરિયા એ કોવિડ દર્દી છે અને હોસ્પિટલમાંથી રજા મળ્યા બાદ તે ઘરે પરત આવી હતી. ઘરે તેના પતિ અને પુત્રી દ્વારા માનસિક ત્રાસ આપવામાં આવે છે. પૈસાના લેણદેણને લઇને તેમનો વિવાદ હતો. શરીરમાં ગંભીર ઈજા થઈ હતી જેની વચ્ચે લડત થઈ હતી. જે રીતે તેને માર મારવામાં આવ્યો હતો એમાં તે જીવ પણ ગુમાવી શકતી હતી. આપણા બાળકોમાં સંસ્કારો મરી રહ્યા છે. તેમને પાઠ મળવો જોઈએ. પતિ અને પુત્રીની ધરપકડ થવી જોઈએ.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.