November 24, 2024
સુરત(Surat): 31મી ડિસેમ્બરના રોજ સુરત શહેરમા કોઈ પણ પ્રકારની અનિચ્છનીય ઘટના ન બને તે માટે પોલીસ દ્વારા નાઈટ કોમ્બિંગ(night combing) કરવામાં આવ્યું હતું જેમાં ડીસીબીની ટીમને બાતમી મળતા મોટા વરાછા ઉતરાણ બ્રિજ(Varachha-Uttaran bridge) પરથી અમરોલી(Amaroli) તરફ રિક્ષામાં 6 લોકો જઇ રહ્યા હતા જેમને ડિટેન કરતા આરોપીઓ પાસેથી 2 લોડેડ તમંચા, 1 પિસ્ટલ અને 3 જીવતા કારતુસ મળી આવ્યો હતો અને આ આરોપીઓ મધ્યપ્રદેશ(Madhya Pradesh) રાજ્યના મુરૈના જિલ્લાના કુખ્યાત ગેંગ(Muraina Gang) હોવાનું સામે આવ્યું હતું.
સુરત ક્રાઇમ બ્રાન્ચના એ.સી.પી આર.આર. સરવૈયાએ માહિતી આપતા જણાવ્યું હતું કે, સુરત શહેરના વરાછા વિસ્તારમાં થોડાક દિવસ પહેલા મનીટ્રાન્સફરની દુકાનમાં દુકાન માલિકને માર મારી લૂંટ કરવામાં આવી હતી. જેમાં આ 4 આરોપીઓ સામેલ હતા વધુ પૂછ પરછ કરતા બે વર્ષ પહેલાં પુણા વિસ્તારમાં આવેલી વિધાતા જવેલર્સની દુકાનમાં પિસ્ટલ સાથે ઘુસી આવી શોરૂમના માલિકને માર મારી સોના ચાંદી અને રોકડા રૂપિયાની લૂંટ ચલાવી તમામ આરોપીઓ મુરેના ભાગી ગયા હતા અને દાગીના વેચી માર્યો હતો.
Trending News
હાલ તમામ 6 આરોપીઓને સુરત ડીસીબીની ટીમ ઝડપી પાડી ધાડ, લૂંટના ગુનાનો ભેદ ઉકેલી કાઢ્યો છે. ડીસીબીની ટીમે આરોપીઓ પાસેથી 1 પિસ્ટલ, બે તમંચા, ત્રણ જીવતા કારતુસ, 5 મોબાઈલ ફોન, ઓટો રીક્ષા, બે મોટરસાઇકલ કબ્જે કરી કુલ 2.43 લાખ રૂપિયાનો મુદ્દામાલ કબ્જે કરી લીધો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.