February 05, 2025
મધ્યપ્રદેશ(Madhya Pradesh)ના સાગરમાં આવેલી ડૉ. હરિસિંહ ગૌર યુનિવર્સિટી(Dr. Harisingh Gour University)એ હિજાબ પહેરેલી અને તેના વર્ગખંડમાં નમાજ અદા કરતી મુસ્લિમ છોકરીનો વીડિયો સામે આવ્યા બાદ તપાસનો આદેશ આપ્યો છે. એક અધિકારીએ શનિવારે કહ્યું કે એક જમણેરી સંગઠને આ મામલે ફરિયાદ કરી છે. ડૉ. હરિસિંહ ગૌર યુનિવર્સિટી (HGU)ના રજિસ્ટ્રાર સંતોષ સેહગૌરાએ જણાવ્યું હતું કે ઘટનાની વિડિયો ક્લિપ સાથે, હિંદુ જાગરણ મંચ દ્વારા યુનિવર્સિટીને એક મેમોરેન્ડમ સુપરત કરવામાં આવ્યું છે. જેમાં કાર્યવાહીની માંગ કરવામાં આવી છે.
આ મામલે સંતોષ સેહગૌરાએ કહ્યું કે, આ ઘટનાની તપાસ કરવા માટે પાંચ સભ્યોની સમિતિની રચના કરવામાં આવી છે. કમિટી ત્રણ દિવસમાં તેનો રિપોર્ટ સબમિટ કરશે અને આ રિપોર્ટના આધારે આગળની કાર્યવાહી કરવામાં આવશે.” HGU મીડિયા ઓફિસર વિવેક જયસ્વાલે કહ્યું કે શૈક્ષણિક સંસ્થાના કેમ્પસમાં વિદ્યાર્થીઓ માટે કોઈ ઔપચારિક ડ્રેસ કોડ નથી, પરંતુ વિદ્યાર્થીઓએ મૂળભૂત નૈતિકતા પહેરવી જરૂરી છે. સાથે વર્ગોમાં હાજરી આપવી આવશ્યક છે.
Trending News
હિન્દુ જાગરણ મંચના સાગર એકમના પ્રમુખ ઉમેશ સરાફે જણાવ્યું કે વીડિયોમાં દેખાતી યુવતી લાંબા સમયથી હિજાબ પહેરીને લેક્ચરમાં ભાગ લઈ રહી હતી. કર્ણાટક હાઈકોર્ટના નિર્ણયનો ઉલ્લેખ કરતા તેમણે કહ્યું કે શૈક્ષણિક સંસ્થાઓમાં આવી ધાર્મિક ગતિવિધિઓને મંજૂરી ન આપવી જોઈએ.
વિદ્યાર્થીનીએ નમાઝ અદા કરતા વિવાદ શરૂ થયો હતો
આ અંગે ઉમેશે આગળ કહ્યું, “તે ઘણા સમયથી હિજાબમાં આવી રહી હતી, પરંતુ શુક્રવારે બપોરે તે ક્લાસની અંદર નમાઝ પઢતી જોવા મળી હતી. તે વાંધાજનક છે કારણ કે તમામ ધર્મના લોકો શૈક્ષણિક સંસ્થામાં આવે છે.
કર્ણાટક હાઈકોર્ટે 15 માર્ચે વર્ગખંડોમાં હિજાબ અથવા માથાનો સ્કાર્ફ પહેરવાની પરવાનગી માંગતી અરજીઓને ફગાવી દીધી હતી, એમ કહીને કે તે ઇસ્લામમાં આવશ્યક ધાર્મિક પ્રથાનો ભાગ નથી. સુપ્રીમ કોર્ટે ગુરુવારે કર્ણાટક હાઈકોર્ટના નિર્ણયને પડકારતી અરજીઓ સુનાવણી કરવાનો ઈન્કાર કરી દીધો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.