November 24, 2024
Satish Kaushik Death: ફિલ્મ અભિનેતા, દિગ્દર્શક અને નિર્માતા સતીશ કૌશિક હવે આ દુનિયામાં નથી. 66 વર્ષીય સતીશ કૌશિકનું મંગળવાર-બુધવારની વચ્ચેની રાત્રે હૃદયરોગના હુમલાને કારણે અવસાન થયું હતું. સતીશ કૌશિકના મોત મામલે એક મહિલાએ સનસનીખેજ દાવો કર્યો છે. ન્યૂઝ એજન્સી IANS અનુસાર, મહિલાએ પોલીસ ફરિયાદ નોંધાવી હતી કે તેના પતિએ કથિત રીતે 15 કરોડ રૂપિયા માટે સતીશ કૌશિકની હત્યા(Satish Kaushik murder) કરી હતી. મહિલાએ દિલ્હી પોલીસ કમિશનર(Delhi Police Commissioner)ની ઓફિસમાં નોંધાવેલી ફરિયાદમાં આ દાવો કર્યો છે. આરોપ છે કે કૌશિક પૈસા પાછા માંગતા હતા, જે તેના પતિ ચૂકવવા માંગતા ન હતા. તેણીએ આક્ષેપ કર્યો હતો કે, કૌશિકની હત્યા તેના પતિ દ્વારા ગોઠવવામાં આવેલી કેટલીક દવાઓથી કરવામાં આવી હતી.
અગાઉ શનિવારે, એક વરિષ્ઠ પોલીસ અધિકારીએ કહ્યું હતું કે, તેઓએ દિલ્હીના ફાર્મહાઉસમાંથી કેટલીક ‘ડ્રગ્સ’ મળી આવી છે જ્યાં 66 વર્ષીય અભિનેતાએ તેમના મૃત્યુ પહેલાં એક પાર્ટીમાં હાજરી આપી હતી. કાર્ડિયાક અરેસ્ટને કારણે તેમનું મૃત્યુ થયું હોવાનું કહેવાય છે. મહિલા દ્વારા દાખલ કરાયેલી ફરિયાદની નકલ તપાસ્યા બાદ સમાચાર એજન્સી IANS એ પણ તેની સાથે વાત કરી હતી, જેમણે કહ્યું હતું કે આ એક પૂર્વયોજિત હત્યા છે.
મહિલાએ દાવો કર્યો હતો કે, તેણે 13 માર્ચ 2019ના રોજ બિઝનેસમેન સાથે લગ્ન કર્યા હતા. તેણીનો પરિચય તેના પતિ દ્વારા સતીશ કૌશિક સાથે થયો હતો અને દિવંગત અભિનેતા તેને નિયમિતપણે ભારત અને દુબઈમાં મળતા હતા. તેણે દાવો કર્યો હતો કે, 23 ઓગસ્ટ 2022ના રોજ કૌશિક દુબઈમાં તેના ઘરે આવ્યા હતા અને તેના પતિ પાસેથી 15 કરોડ રૂપિયાની માંગણી કરી હતી.
Trending News
ફરિયાદમાં મહિલાએ કહ્યું- હું ડ્રોઈંગ રૂમમાં હાજર હતી જ્યાં કૌશિક અને મારા પતિ બંને વચ્ચે ઝઘડો થઈ રહ્યો હતો. કૌશિક કહી રહ્યો હતો કે તેને પૈસાની સખત જરૂર છે. તેણે મારા પતિને રોકાણના હેતુ માટે 15 કરોડ રૂપિયા આપ્યા તેને ત્રણ વર્ષ થયા છે. કૌશિકે એમ પણ કહ્યું હતું કે, ન તો કોઈ રોકાણ કરવામાં આવ્યું હતું અને ન તો તેના પૈસા પરત કરવામાં આવ્યા હતા, જેના માટે તે છેતરાયા હોવાનું અનુભવે છે.
તેણે દુબઈમાં એક પાર્ટીમાંથી બિઝનેસમેન અને કૌશિકની તસવીર પણ શેર કરી હતી. મહિલાનો આરોપ છે કે, પાર્ટીમાં અંડરવર્લ્ડ ડોન દાઉદ ઈબ્રાહિમનો પુત્ર પણ હાજર હતો. ફરિયાદમાં એવું પણ કહેવાયું છે કે, તેનો પતિ અનેક પ્રકારના ડ્રગ્સનો ધંધો કરે છે. મારા પતિએ કૌશિકને વચન આપ્યું હતું કે તે જલ્દી પૈસા ચૂકવી દેશે. જ્યારે મેં મારા પતિને પૂછ્યું કે મામલો શું છે, ત્યારે તેણે કહ્યું કે તેણે કોવિડ રોગચાળા દરમિયાન કૌશિકના પૈસા ગુમાવ્યા. મારા પતિએ કહ્યું કે તે કૌશિકથી છૂટકારો મેળવવાની યોજના બનાવી રહ્યો છે.
ફરિયાદમાં કહેવાયું છે કે, 24 ઓગસ્ટ 2022ના રોજ વેપારીની કૌશિક સાથે પૈસાને લઈને ઉગ્ર બોલાચાલી થઈ હતી. મહિલાએ દાવો કર્યો હતો કે તેના પતિએ કૌશિકને કહ્યું હતું કે ચૂકવણી થઈ ચૂકી છે, તેથી તેનો કોઈ પુરાવો નથી, પરંતુ તે તેને ચૂકવવા તૈયાર છે, જેના માટે તેને સમયની જરૂર છે.
ફરિયાદમાં મહિલાએ જણાવ્યું હતું કે, “પછી મેં કૌશિકને મારા પતિને કહેતા સાંભળ્યા કે તેણે તેને પ્રોમિસરી નોટ આપી હતી. હવે કૌશિકના મૃત્યુના સમાચાર વાંચ્યા. મને ભારપૂર્વક શંકા છે કે મારા પતિએ જ તેના સાથીદારો સાથે મળીને કાવતરું ઘડ્યું હતું અને કૌશિકને નશીલા પદાર્થ આપીને મારી નાખ્યા હતા. જેથી તેણે પૈસા પાછા ન ચૂકવવા પડે. પોલીસ અધિકારીઓએ આ બાબતે કોઈ ટિપ્પણી કરી ન હતી. સૂત્રોના જણાવ્યા અનુસાર ફાર્મહાઉસમાં પાર્ટીમાં સામેલ થયેલા 25 લોકોને પૂછપરછ માટે બોલાવવામાં આવશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.