November 24, 2024
Iraq Fire Accident: ઇરાકના નિનેવેહ પ્રાંતના અલ-હમદાનિયા જિલ્લામાં મંગળવારે (26 સપ્ટેમ્બર) એક લગ્નમાં આગ લાગવાથી ઓછામાં ઓછા 100 લોકો માર્યા ગયા અને 150 જેટલા ઘાયલ થયા. નેવેહ પ્રાંત મોસુલની બહાર, રાજધાની બગદાદના ઉત્તરપશ્ચિમમાં લગભગ 335 કિલોમીટર દૂર સ્થિત છે. ઈરાકી ન્યૂઝ એજન્સી નીનાના રિપોર્ટ અનુસાર, આગમાં દાઝી(Iraq Fire Accident) જવાથી મૃત્યુ પામનારાઓમાં વરરાજા અને દુલ્હન પણ સામેલ હોવાનું કહેવાય છે.
જો કે, આગ લાગવાનું કારણ શું હતું તે હજુ સ્પષ્ટ થયું નથી, પરંતુ પ્રાથમિક અહેવાલમાં જણાવવામાં આવ્યું છે કે ફટાકડા સળગવાને કારણે આગ લાગી હતી. ઈરાકી ન્યૂઝ એજન્સી નીના દ્વારા પોસ્ટ કરવામાં આવેલી તસવીરમાં અગ્નિશમન દળના જવાનો આગ ઓલવવાનું કામ કરી રહ્યા છે. આ સિવાય સોશિયલ મીડિયા પર સ્થાનિક પત્રકારોની તસવીરોમાં ઈવેન્ટ હોલના બળેલા અવશેષો દેખાઈ રહ્યા છે.
Trending News
લગ્નની ઉજવણી માતમમાં ફેરવાઈ ગઈ
ઈરાકની ન્યૂઝ એજન્સી નીનાના અહેવાલને ટાંકીને ઈરાકના નાગરિક સંરક્ષણ નિર્દેશાલયે જણાવ્યું કે આગ બિલ્ડિંગમાં હાજર જ્વલનશીલ સામગ્રીની મદદથી લાગી હતી. ઇરાક સિવિલ ડિફેન્સ ડિરેક્ટોરેટના એક અધિકારીએ જણાવ્યું હતું કે અત્યંત જ્વલનશીલ, ઓછી કિંમતની બાંધકામ સામગ્રીને લગતી આગને કારણે હોલના કેટલાક ભાગો થોડી મિનિટોમાં તૂટી પડ્યા હતા. સમાચાર એજન્સી રોઇટર્સના સંવાદદાતા દ્વારા ઘટનાસ્થળ પર ફિલ્માવવામાં આવેલા વિડિયોમાં, અગ્નિશામકો બચી ગયેલા લોકોની શોધમાં ઇમારતના કાટમાળ પર ચડતા જોવા મળ્યા હતા.
ઘટનાસ્થળે હાજર પ્રત્યક્ષદર્શીઓના જણાવ્યા અનુસાર, બિલ્ડિંગમાં આગ સ્થાનિક સમય અનુસાર લગભગ 10:45 વાગ્યે લાગી હતી. તે સમયે સેંકડો લોકો લગ્નમંડપમાં લગ્નની ઉજવણી કરી રહ્યા હતા. સત્તાવાર નિવેદનો અનુસાર, ઈરાકી સત્તાવાળાઓ દ્વારા એમ્બ્યુલન્સ અને તબીબી ટીમોને ઘટનાસ્થળે મોકલી દેવામાં આવી હતી.
رئيس مجلس الوزراء @mohamedshia يوجه وزيري الداخلية والصحة باستنفار كل الجهود لإغاثة المتضررين جراء حادث الحريق بقضاء الحمدانية في سهل نينوى. pic.twitter.com/YMTCMSdC10
— Government of Iraq – الحكومة العراقية (@IraqiGovt) September 26, 2023
ઈરાકના વડાપ્રધાનની જાહેરાત
ઈરાકના વડાપ્રધાન મોહમ્મદ શિયા અલ સુદાનીએ અધિકારીઓને દુર્ભાગ્યપૂર્ણ ઘટનાથી પ્રભાવિત લોકોને રાહત આપવા માટે તમામ પ્રયાસો કરવા જણાવ્યું છે. ઇરાકના પીએમ કાર્યાલયે એક્સ (અગાઉ ટ્વિટર) પર એક પોસ્ટમાં માહિતી આપી હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube