સુશાંત સિંઘ રાજપૂતના જીવન પર બનશે ફિલ્મ-જાણો કોણ બનાવી રહ્યું છે?

કથિત ફિલ્મ ક્રિટિક કે.આર.કે.એ તાજેતરમાં જાહેરાત કરી હતી કે તે અભિનેતા સુશાંત સિંઘ રાજપૂતની બાયોપિક ફિલ્મ બનાવશે. કેઆરકેએ ટ્વિટ કર્યું હતું કે તેઓ વચન આપી રહ્યા છે કે તેઓ સુશાંત સિંહ રાજપૂતની બાયોપિક ફિલ્મ બનાવશે અને બધા કાળા ચહેરાઓ જાહેર કરશે. કેઆરકેની આ ઘોષણા બાદ સુશાંતની બાયોપિક ફિલ્મ અંગે હેડલાઇન્સ બનવાની શરૂઆત થઈ ગઈ છે. જો આવું થાય, તો સુશાંતનું નામ એવા કલાકારોની સૂચિમાં આવશે, જેના પર બાયોપિક ફિલ્મો બની છે.

સફળ અભિનેત્રી અને પીઢ રાજકારણી દિવંગત જે. જયલલિતાથી લઈને ફિલ્મ બની છે. જયલલિતાની બાયોપિક ફિલ્મમાં કંગના રાનાઉતે મુખ્ય ભૂમિકા નિભાવી છે. આ ફિલ્મનું કામ શરુ છે, તે ટૂંક સમયમાં થિયેટરોમાં જોવા મળશે તેવી અપેક્ષા છે.

દિગ્ગજ બોલિવૂડ એક્ટર સંજય દત્તનું જીવન ચડાવ-ઉતારથી ભરેલું છે. સંજય દત્તે તેમના જીવનમાં ગ્લેમરથી લઈને અંડરવર્લ્ડ કનેક્શન્સ, જેલ અને ડ્રગ્સ સુધીની દરેક બાબતો જોઇ છે. સંજય દત્તની બાયોપિકનું નામ સંજુ હતું. જેનું દિગ્દર્શન રાજકુમાર હિરાનીએ કર્યું હતું. તેમાં રણબીર કપૂરે મુખ્ય ભૂમિકા ભજવી હતી.

વર્ષ 2018 માં, દક્ષિણ ભારતીય મહિલા સુપરસ્ટાર સાવિત્રીની બાયોપિક ફિલ્મ રિલીઝ થઈ હતી. આ ફિલ્મનું નામ મહાનતિ હતું અને કીર્તિ સુરેશે આ ફિલ્મમાં મુખ્ય ભૂમિકા ભજવી હતી. આ ફિલ્મમાં દુલકર સલમાનએ પુરુષની મુખ્ય ભૂમિકા ભજવી હતી.