ચાઈનાનો વિરોધ કરવા જશે તો ભારતીય ક્રિકેટની કમર ભાંગી જશે- સાથે સાથે કેટલાય બાળકો ભણી નહી શકે

હાલમાં દેશભરમાં ચાઈનાના તમામ પ્રોડક્ટ્સ નહી લેવા બાબતે અનુરોધ થઇ રહ્યો છે. ચાઈના ભારતથી કરોડોનો કારોબાર કરે છે. તે વાત બધા ચર્ચી રહ્યા છે પણ કડવી વાસ્તવિકતા એ છે કે, ચાઈના ભારતમાં રોકાણ પણ એટલું કરે છે કે તેનાથી દેશના કેટલાય યુવાનો રોજગાર મેળવે છે અને કેટલીય સંસ્થાઓ આવક રળે છે.

આવી જ રીતે ભારતીય ક્રિકેટ ની મુખ્ય સંસ્થા BCCI પણ હાલમાં ચીનની કંપની વિવો પર આધારિત છે.મોબાઇલ કંપની વીવોનો બીસીસીઆઈ સાથે 2,200 કરોડનો પાંચ વર્ષનો આઇપીએલ ટાઇટલ સ્પોન્સરશિપ કોન્ટ્રાકટ છે. રસપ્રદ વાત તો એ છે કે બીસીસીઆઈની પણ ભાજપ સરકાર સાથે મજબૂત સંબંધ છે. વર્તમાન સચિવ જય શાહ ગૃહ પ્રધાન અમિત શાહના પુત્ર છે જ્યારે ધૂમલ નાણાં અને કોર્પોરેટ બાબતોના રાજ્ય પ્રધાન અનુરાગ ઠાકુરના ભાઈ છે.

ધુમાલે કહ્યું કે બીસીસીઆઈ તેના પ્રાયોજક સોદાની સમીક્ષા કરવા માટે ખુલ્લો રહેશે. તેમણે ઉમેર્યું, “ભારતનું હિત હંમેશાં બીસીસીઆઈના વ્યાપારી હિત કરતા વધારે હોય છે.”

આટલું જ નહી, ઓનલાઇન ફેન્ટેસી લીગ પ્લેટફોર્મ ડ્રીમ 11 અને ઈ કોમર્સ કંપની પેટીએમ આઇપીએલના સત્તાવાર ભાગીદાર છે. ડ્રીમ 11 અને પેટીએમ બંને ચીની કંપનીઓ પાસેથી ભંડોળ મેળવે છે. મોટા ભાગના ભારતીયો Paytm નો વપરાશ કરે છે.