કોરોના વચ્ચે Vodafone અને Idea એ આપ્યો મોટો ઝટકો- લેવાઈ શકે છે આ મહત્વનો નિર્ણય

હાલમાં કોરોનાની મહામારી ચાલી રહી છે. લોકડાઉનને લીધે સમગ્ર દેશમાં તમામ ધંધા-રોજગાર ભાંગી પડ્યાં છે. જેનાં લીધે કેટલાંય લોકોને આર્થિક સંકડામણનો સામનો કરવો પડ્યો છે. જેનાંથી ઘણી કંપનીઓએ પોતાનાં કર્મચારીઓને કામ પરથી કાઢી મૂક્યાં હતાં. હાલમાં જ એક સમાચાર સામે આવી રહ્યાં છે.

કોરોના કાળ એ તમામની માટે મુશ્કેલીભર્યો સમય છે. પણ, ટેલિકોમ સેક્ટરની પ્રખ્યાત કંપની વોડાફોન અને આઇડિયા માટે કોરોનાનો પ્રકોપ તેમજ વર્તમાન સમય પણ વધારે ખરાબ હોય એવું લાગી રહ્યું છે. કારણ, કે ટેલિકોમ ઇક્વિપમેન્ટ નિર્માતા કંપની નોકિયા, એરિક્શન, હુવેઈ તથા જેડટીઈ સહિતની ઘણી કંપનીઓએ વોડાફોન તથા આઇડિયામાંથી 4G સાધનોનાં ઓર્ડર લેવાનું બંધ કરી દીધું છે.

એવી જાણકારી મીડિયા સૂત્રોથી મળી રહી છે. રિપોર્ટ પ્રમાણે ટેલિકોમ સાધન બનાવતી આ કંપનીઓને એવું લાગી રહ્યું છે, કે આર્થિક સંકટનો સામનો કરી રહેલ વોડાફોન તથા આઈડિયા કંપનીથી પૈસાની વસૂલાતમાં પણ ઘણી મુશ્કેલી થઈ શકે છે.

આને કારણે હવે વોડાફોન તથા આઇડિયાનો એક્સપેશન પ્લાન પણ તેનાંથી પ્રભાવિત થઈ રહ્યો છે. બીજી બાજુ સર્વિસમાં પણ ઘટાડો થઈ જતાં વોડાફોન તેમજ આઇડિયાનાં ગ્રાહકોની સંખ્યા પણ સતત ઘટવાં તરફ જઈ રહી છે. જાણકારી પ્રમાણે આર્થિક સંકટનો સામનો કરી રહેલ કંપનીએ કુલ 22 સર્કિલના કામકાજને કુલ 10 સર્કિલ સુધીનું સીમિત કર્યું છે.