November 15, 2024
ઈન્દોરના વિજય નગર પોલીસ મથકે વિદેશી યુવતીઓ સાથે ગેરકાયદેસર રીતે દેહવેપાર કરતા એક ગેંગનો પર્દાફાશ કર્યો છે. પોલીસે 13 છોકરીઓને, જેમાંથી કેટલીક સગીર છે, તેમના કબજામાંથી મુક્ત કરી છે. પોલીસે ત્રણ મહિલાઓ સહિત આ ગેંગના 10 સભ્યોની ધરપકડ કરી છે. પોલીસ તમામ આરોપીઓની પૂછપરછ કરી રહી છે.
21 સપ્ટેમ્બરના રોજ મુંબઇથી આવેલા બે મોડેલોએ પોલીસમાં ફરિયાદ કરી હતી કે તેઓને કામના બહાને મુંબઈથી ઈન્દોર બોલાવવામાં આવ્યા હતા. જ્યાં તેને બાણગંગા વિસ્તારમાં એક ફ્લેટમાં બંધક બનાવી હતી, ત્યારે કેટલાક યુવકોએ તેની સાથે બળાત્કાર ગુજાર્યો હતો અને તેનો વીડિયો વાયરલ કરવાની ધમકી આપી તેની પાસેથી 1.5 લાખ રૂપિયા લીધા હતા.
ઇન્દોર પોલીસે મોડેલોની ફરિયાદોને ગંભીરતાથી લીધી હતી અને આરોપીને પકડવા માટે એક ટીમ બનાવવામાં આવી હતી. પોલીસે નવીન, કુલદીપ, રાજેન્દ્ર અને એક મહિલા આરોપીની ધરપકડ કરી છે. પૂછપરછ દરમિયાન પોલીસને બાતમી મળી હતી કે આ ગેંગ બહારની યુવક યુવતીઓને બોલાવે છે અને દેહવેપાર કરે છે.
Trending News
આ સિવાય પોલીસને જાણ થઈ હતી કે ગેંગની મહિલાઓ તેમના એજન્ટ દ્વારા બાંગ્લાદેશ, પશ્ચિમ બંગાળ અને મહારાષ્ટ્રની ગરીબ છોકરીઓને અહીં કામ કરવાના લાલચમાં લાવતી હતી. પછી તેઓને બંધક બનાવી દેવામાં આવતા હતા અને દેહવેપારમાં ધકેલી દેવામાં આવતા હતા. વિઝા અને પાસપોર્ટને કારણે વિદેશી છોકરીઓ તેમના ઓરડામાંથી બહાર નીકળી શકી નહીં. પોલીસે 9 બાંગ્લાદેશી યુવતીઓને મુક્ત કરાવી છે. તેમાં કેટલીક સગીર છોકરીઓ પણ શામેલ છે.
પોલીસે કુલ 13 છોકરીઓને ત્રાસવાદીઓની ચુંગાલમાંથી મુક્ત કરાવી હતી. આ ગેંગ સાથે જોડાયેલી ત્રણ મહિલાઓ સહિત 10 આરોપીની ધરપકડ કરવામાં આવી હતી અને તેમના કબજામાંથી 25 મોબાઇલ ફોન, એક લેપટોપ અને 1 લાખ રૂપિયા રોકડા મળી આવ્યા હતા.
આ પણ વાંચો: ઓનલાઈન પૈસા કમાવા હોય તો આ 10 આસાન રસ્તા જાણી લો, કમાણી ની ગેરેન્ટી