સુરતના વરાછામાં ભીષણ આગ લાગતા બે દુકાનો બળીને ખાખ- ચા વાળાને ઝપેટમાં લેતા…

સુરત(ગુજરાત): આજકાલ વધી રહેલી આગ લાગવાની ઘટનાઓ દરમિયાન ફરીવાર સુરત(Surat)ના વરાછા(Varachha) વિસ્તારમાં આવેલી મીની બજારમાં આવેલા GK ચેમ્બર્સ(GK Chambers)ની ફર્નીચરની દુકાન(Furniture Store) બહાર રાખેલી જૂની ખુરશીઓમાં અચાનક આગ લાગી હોવાના સમાચાર સામે આવ્ય છે. જેમાં બે દુકાન સહિત ચાનું કેબિન અને નિંદ્રાવાન ચા-વાળો ઝપેટમાં આવી ગયો હતો.

જાણવા મળ્યું છે કે, ગુરૂવારની વહેલી સવારે બનેલી દુર્ઘટના બાદ સામે હીરાના કારખાનામાં કામ કરતા કારીગરો દ્વારા સમયસર ફાયરને જાણ કરવામાં આવતા મોટી દુર્ઘટના ટળી ગઈ હતી. આ ઘટન નજરે જોનાર દીક્ષિત કાપડીએ કહ્યું હતું કે, થોડું મોડું થયું હોત તો ઉપર ત્રણેય માળે કામ કરતા રત્નકલાકારો ફસાઈ ગયા હોત. જોકે, ઘટનાની ભાગદોડ વચ્ચે ફાયરના જવાનોએ પણ આગ પર કાબુ મેળવતા રાહતનો શ્વાસ લીધો હતો.

આ અંગે ફાયર વિભાગે જણાવ્યું હતું કે, કોલ વહેલી સવારના 4:37 વાગ્યાનો હતો. બે દુકાન અને એક કેબિન સળગી રહ્યા હોવાની જાણ થતાં જ ફાયરની ટીમ તાત્કાલિક ઘટના સ્થળે જવા રવાના થઈ ગઈ હતી. ગણતરીની મિનિટોમાં જ આગ પર કાબૂ મેળવી દાઝી ગયેલા એક શ્રમજીવીને 108ની મદદથી સારવાર માટે હોસ્પિટલ ખસેડવામાં આવ્યો હતો.