April 28, 2024
મધ્યપ્રદેશ(Madhya Pradesh)ના વિદિશામાં કથિત ધર્મ પરિવર્તન(Conversion)ને લઈને હોબાળો મચી ગયો છે. કેટલાક લોકોએ શાળા પર ધર્માંતરણનો આરોપ લગાવીને હંગામો મચાવ્યો હતો. વિદ્યાર્થીઓ શાળાની અંદર પરીક્ષા આપતા રહ્યા અને લોકોએ બહારથી પથ્થરમારો શરૂ કર્યો.
View this post on Instagram
સોમવારે, જમણેરી જૂથ બજરંગ દળના કાર્યકરો, ડઝનેક સ્થાનિકો સાથે, મધ્ય પ્રદેશમાં એક શાળા પર હુમલો કર્યો અને દાવો કર્યો કે ખ્રિસ્તી મિશનરી સંસ્થા દ્વારા આઠ વિદ્યાર્થીઓનું ધર્માંતરણ કરવામાં આવ્યું હતું. આ ઘટનાનો વીડિયો પણ વાયરલ થઈ રહ્યો છે. વીડિયોમાં તેઓ એક સ્કૂલમાં ઘૂસીને પથ્થર ફેંકતા જોઈ શકાય છે. હિંસા સમયે 12મા ધોરણના વિદ્યાર્થીઓ પરીક્ષા આપી રહ્યા હતા.
મળતી માહિતી મુજબ, વિદિશા જિલ્લાના ગંજ બાસોદા શહેરમાં આવેલી સેન્ટ જોસેફ સ્કૂલમાં હંગામો થયો છે. પહેલા સોશિયલ મીડિયા પર સ્કૂલના મેનેજર દ્વારા આઠ વિદ્યાર્થીઓનું ધર્માંતરણ કરવાનો આરોપ લગાવવામાં આવ્યો હતો, ત્યારબાદ બજરંગ દળના કાર્યકર્તાઓએ સ્કૂલ પર હુમલો કર્યો હતો. વીડિયોમાં બિલ્ડિંગની બહાર મોટી ભીડ જોવા મળી રહી છે, જે સ્કૂલ પ્રશાસન વિરુદ્ધ સૂત્રોચ્ચાર કરી રહી છે.
Trending News
જોકે, પોલીસ ટોળાને વિખેરવાનો પ્રયાસ કરતી જોવા મળી હતી. આ દરમિયાન ત્યાં હાજર વિદ્યાર્થીઓ અને શાળાના સ્ટાફે કોઈક રીતે તેમનો જીવ બચાવી લીધો હતો. મળતી માહિતી અનુસાર, શાળાના મેનેજર ભાઈ એન્ટનીએ દાવો કર્યો છે કે, તેમને એક દિવસ પહેલા સ્થાનિક મીડિયા દ્વારા હુમલાની માહિતી મળી હતી. ત્યારબાદ તેમણે પોલીસ અને રાજ્ય પ્રશાસનને જાણ કરી હતી. તેણે પોલીસ પર સુરક્ષાની પૂરતી વ્યવસ્થા ન કરવાનો આરોપ પણ લગાવ્યો.
મેનેજર ભાઈ એન્ટનીએ પણ ધર્માંતરણના દાવાઓને નકારી કાઢ્યા હતા અને દાવો કર્યો હતો કે ફરિયાદમાં નામ આપવામાં આવેલ એકપણ વિદ્યાર્થી અમારા વિદ્યાર્થીઓ સાથે મેળ ખાતો નથી. બીજી તરફ બજરંગ દળના સ્થાનિક નેતા નિલેશ અગ્રવાલે ધર્માંતરણના આ મામલે તપાસની માંગ કરી છે.
પોલીસે જણાવ્યું હતું કે, તોડફોડ માટે જવાબદારો સામે કાર્યવાહી કરવામાં આવશે. આ સાથે કથિત ધર્મ પરિવર્તનની પણ તપાસ શરૂ કરવામાં આવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
