બાઈક સાથે પુલ પરથી નદીમાં ખાબક્યો યુવક, માથાના ભાગે ગંભીર ઈજા થતા ઘટના સ્થળે જ…

અકસ્માત (Accident)ની ઘટનાઓનો ગ્રાફ ખુબ જ ઉંચો જઈ રહ્યો છે. અકસ્માતને કારણે કેટલાય લોકોના અકાળે જીવ જતા હોય છે. ત્યારે હાલ આવી જ વધુ એક ઘટના સામે આવી છે. ડાંગ(Dang) જિલ્લાના સુબીર(Subir) તાલુકામાં પીપલદહાડથી ભોંડવિહિર જતા માર્ગ પર બાઇક ચાલકે કાબૂ ગુમાવતા બાઇક સાથે પાસેની નદીમાં ધડાકા ભેર પડતા ગંભીર ઇજાઓ થઈ હતી.

મળતી માહિતી અનુસાર, આહવા તાલુકાના ઘૂબીટા ગામનો વિક્રમ રામુ ભોયે પોતાનું બાઇક સ્પેલેંડર (Gj-39-C-9570) જઈ રહ્યો હતો, આ દરમિયાન પીપલદહાડથી ભોંડવિહીર માર્ગમાં અકસ્માત નડ્યો હતો. બાઇક ચાલકે કાબૂ ગુમાવતા બાઇક સાથે પાસેની નદીમાં ખાબક્યો હતો. જેને પગલે યુવકને ગંભીર ઈજાઓ થઈ હતી.