લગ્નના થોડા જ મહિનામાં પહેલા પતિએ અને પછીએ પત્નીએ ટૂંકાવ્યું જીવન- જાણો કયાની છે ઘટના

હાલમાં રાજકોટમાં આત્મહત્યાના બે બનાવ બન્યા છે. જેમાં પહેલા બનાવમાં રૈયા રોડ પર આવેલા અક્ષરતીર્થ એપાર્ટમેન્ટમાં રહેતા અને એક મહિના પહેલા જ લગ્ન કરનાર રમેશ ચાવડાએ અગમ્ય કારણોસર ગળાફાંસો ખાઈ આત્મહત્યા કરી હતી. બીજા બનાવમાં શહેરના 80 ફુટ રોડ આંબેડકરનગરમાં રહેતી સંગીતાબેન રાઠોડે લગ્નના 15 મહિના બાદ કોઇ કારણોસર ગળેફાંસો ખાઇ આત્મહત્યા કરી છે. આ બંને બનાવમાં પોલીસ દ્વારા વધુ તપાસ હાથ ધરવામાં આવી છે.

શહેરના રૈયા રોડ ઉપર આવેલા કનૈયા ચોક પાસે અક્ષરતીર્થ એપાર્ટમેન્ટમાં રહેતો અને ખાનગી બેંકમાં નોકરી કરતો રમેશ ભુપતભાઇ ચાવડા નામના યુવાને ગઈરાતે પોતાના ઘરે ઉપરના રૂમમાં ગળેફાંસો ખાઈ આત્મહત્યા કરી લેતા ગાંધીગ્રામ પોલીસ દોડી ગઇ હતી. તપાસનીશ અધિકારી PSI ક્રિશ્ચનના જણાવ્યા મુજબ રમેશભાઈના લગ્ન એક મહિના પહેલા જ થયા હતા.

પત્નીની તબિયત સારી ન હોવાથી ગઈ સાંજે ચારેક વાગ્યે પત્નીને કોઠારીયા વિસ્તારમાં રહેતા તેના માતા-પિતાના ઘરે સારવાર અને આરામ કરવા મૂકવા ગયો હતો અને પરત 6 વાગ્યે ઘરે આવી બાદમાં માતાને આરામ કરવા જાવ છું તેમ કહી ઉપરના માળે જઇ અને આત્મહત્યા કરી લીધી હતી.

મોડે સુધી નહીં આવતા માતાએ દરવાજો ખખડાવ્યો છતાં નહીં ખોલતા દેકારો કરતા લોકો એકઠા થઇ ગયા હતા અને બારીમાંથી જોયું તો લટકતો મૃતદેહ જોવા મળ્યો હતો. દરવાજો તોડવો મુશ્કેલ હતો તેથી ફાયર બ્રિગેડની ટીમને બોલાવી બારી તોડાવી દરવાજો ખોલી મૃતદેહ બહાર કાઢવામાં આવ્યો હતો. મહિના પહેલા જ પ્રભુતામાં પગલું માંડનાર નવોઢા એક મહિનામાં જ વિધવા થઇ જતા પરિવારમાં શોકનો માહોલ છવાઈ ગયો છે. હાલ પોલીસ દ્વારા આત્મહત્યાનું કારણ જાણવા તપાસ હાથ ધરવામાં આવી છે.