‘AAP ની 15 મી યાદી જાહેર’ – જુઓ ભાજપમાંથી આપમાં જોડાયેલા કેસરીસિંહની જગ્યાએ માતર બેઠક પર કોને મળી ટીકીટ

ગુજરાત(Gujarat): આમ આદમી પાર્ટી(AAP)એ અત્યાર સુધીમાં 14 યાદીઓ જાહેર કરી છે. જેમાં વિધાનસભા ઉમેદવાર(Assembly candidate)ની જાહેરકરવામાં આવ્યાં છે. આજે વધુ વિધાનસભા ઉમેદવારોના નામ આમ આદમી પાર્ટી ગુજરાત દ્વારા જાહેર કરવામાં આવ્યા છે. ગુજરાત વિધાનસભા ચૂંટણીની જાહેરાત પહેલા જ આમ આદમી પાર્ટી દ્વારા ઉમેદવારોની 15મી યાદી જાહેર કરવામાં આવી છે. આજરોજ આમ આદમી પાર્ટીમાં જાહેર કરવામાં આવેલ ઉમેદવારોની 15મી યાદીમાં માતર બેઠક પરથી ઉમેદવાર બદલ્યા છે. માતર બેઠક પર ભાજપમાંથી આમ આદમી પાર્ટીમાં જોડાયેલા કેસરીસિંહે યુટર્ન લેતા આપને નવો ઉમેદવાર જાહેર કરવાની ફરજ પડી છે.

ખેડા જિલ્લાની માતર બેઠકના ભાજપના ધારાસભ્ય કેસરીસિંહ બે દિવસ પહેલા ભાજપમાંથી રાજીનામું આપી આમ આદમી પાર્ટીમાં જોડાયા હતા. આમ આદમી પાર્ટીના પ્રદેશ અધ્યક્ષ ગોપાલ ઈટાલીયાએ તેમને પાર્ટીનો ખેસ પહેરાવીને AAPમાં સ્વાગત કર્યું હતું. કેસરીસિંહ માટે આમ આદમી પાર્ટીએ માતર બેઠક પરથી મહીપતસિંહ ચૌહાણની જાહેર કરેલી ટિકિટ પાછી લીધી હતી, અને કેસરીસિંહને આ બેઠકની ટિકિટ આપી હતી. ત્યારે કેસરીસિંહે યુટર્ન મારીને ફરી કેસરિયો કર્યો છે, ત્યારે હવે આપે આ બેઠક પર નવા ઉમેદવારની જાહેરાત કરી છે. આપ પાર્ટીએ લાલજી પરમારને ટિકિટ આપી છે.

જાણો કોને કોને મળી ટીકીટ?:
ઉમેદવારોની 15 મી યાદી બહાર પડી ગઈ છે. જેમાં સિદ્ધપુર થી મહેન્દ્ર રાજપૂત, માતર થી લાલજી પરમાર, ઉધના થી મહેન્દ્ર પાટીલને ટીકીટ આપવામાં આવી છે.

અત્રે ઉલ્લેખનીય છે કે, ગુજરાત વિધાનસભાની ચૂંટણીમાં પરચમ લહેરાવવા તમામ રાજકીય પક્ષોએ તડામાર તૈયારીઓ કરી દીધી છે. ત્યારે આ વખતે ગુજરાતમાં જીત હાંસલ કરવા આમ આદમી પાર્ટીના રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલ તેમજ અન્ય નેતાઓના આંટાફેરા સતત વધી ગયા છે.