પાલનપુર નેશનલ હાઈવે પર એકસાથે બે અક્સ્માત સર્જાતા ત્રણથી વધુ લોકો...

બનાસકાંઠા(ગુજરાત): બનાસકાંઠા જિલ્લામાં અકસ્માતના અનેક બનાવો સામે આવી રહ્યા છે. ત્યારે પાલનપુરથી આબુ રોડ વચ્ચે બે અલગ અલગ જગ્યાએથી અકસ્માતની ઘટના સામે આવી છે. પાલનપુરથી આબુ રોડ તરફ જઈ રહેલા એક ઈનોવા ચાલકે સ્ટેરીંગ પરથી કાબુ ગુમાવતા કાર અમીરગઢ બાલારામ બ્રિજના ડિવાઇડર સાથે અથડાઈ ગઈ હતી.

ગાડીમાં સવાર 5 વ્યક્તિઓમાંથી 3 વ્યક્તિઓ ઇજાઓ પહોંચી હતી. લોકોએ એલ એન્ડ ટી વિભાગને જાણ કરી હતી. એલ એન્ડ ટી વિભાગના કર્મચારીઓ ઘટના સ્થળ પર પહોંચીને ઈજાગ્રસ્ત લોકોને સારવાર માટે નજીકની હોસ્પિટલમાં ખસેડવામાં આવ્યા હતા.

બીજી તરફ, રાત્રિના સમયમાં અમીરગઢ બ્રિજ પર બે ટ્રકો વચ્ચે અકસ્માત સર્જાયો હતો. જેમાં પાલનપુરથી આબુરોડ જઈ રહેલા ટ્રકને પાછળ આવી રહેલા ટ્રકે ટક્કર મારી હતી. જેમાં એક ટ્રક ચાલક ગંભીર રીતે ઘાયલ થયો હતો. ટ્રક ચાલકને સારવાર માટે નજીકની હોસ્પિટલમાં ખસેડવામાં આવ્યો હતો. અમીરગઢ પોલીસ અને એલ એન્ડ ટી વિભાગ ઘટના સ્થળ પર પહોંચીને કામગીરી શરૂ કરી હતી.