ગાંધીજયંતિનાં દિવસે ગુજરાત થયું શર્મસાર: દારૂની હેરાફેરી કરતો બુટલેગર પોલીસનાં હાથે ચડ્યો, આ રીતે કરતો હતો હેરાફેરી

ગુજરાત: રાજકોટ (Rajkot) શહેર (City) માં બુટલેગરો બેફામ બની રહ્યા છે ત્યારે આવા સમયે રાજ્યમાંથી ઘણીવાર દારૂની હેરાફેરી માટે અવનવા નુસ્ખા અપનાવી રહ્યા હોય એવા સમાચાર સામે આવતા હોય છે. રાજકોટમાં ક્રાઇમ બ્રાન્ચ (CBI) દ્વારા વધુ એક આરોપીની ધરપકડ કરવામાં આવી છે કે, જે પોતે પ્લાસ્ટિકના કેરબામાં નીચે ભાગ તોડીને એમાં ઈંગ્લીશ દારૂની હેરાફેરી કરી રહ્યો હતો.

ક્રાઇમ બ્રાન્ચ દ્વારા અલગ-અલગ બ્રાન્ડની 48 નંગ જેટલી વિદેશી દારુ બોટલ મળી આવતા કુલ રૂ.24,000 રૂપિયાનો મુદ્દામાલ કબજે કરી લેવામાં આવ્યો છે. આની સાથોસાથ જ હાલમાં આ અંગે ક્રાઇમ બ્રાન્ચ દ્વારા આગળની તપાસ હાથ ધરવામાં આવી છે.

ક્રાઇમ બ્રાન્ચે બુટલેગરના ઘરે દરોડો પાડ્યો:
રાજકોટ ક્રાઇમ બ્રાન્ચ PI વિરલ ગઢવી જણાવે છે કે, ગઇકાલે રાજકોટ ક્રાઇમ બ્રાન્ચની ટીમને મળેલ ચોક્કસ બાતમીને આધારે સંતકબીર રોડ પરની ભગીરથ સોસાયટી શેરી નંબર 10 માં પહોંચીને બુટલેગરના ઘરમાં પહોંચી દરોડો પાડ્યો હતો કે, જ્યાંથી પોલીસને વિવિધ બ્રાન્ડની ઈંગ્લીશ દારૂની 48 નંગ બોટલ મળી આવી હતી.