હજુ તો સુશાંતસિંહને ન્યાય નથી મળ્યો ત્યાં તો તેના ભાઇ પર થયો ગોળીબાર, ગંભીર રીતે થયા ઇજાગ્રસ્ત

હાલમાં એક સમાચાર સામે આવ્યા છે. પ્રખ્યાત અભિનેતા સુશાંત સિંહ રાજપૂતે ઘણાં સમય પહેલાં પોતાના જ ઘરમાં ગળેફાંસો ખાઈને જીવન ટૂંકાવી લીધું હતું. ત્યારબાદ આત્મહત્યા કરવાં પાછળનું કારણ હજુ સુધી સામે આવ્યું નથી ત્યાં તો તેના (મામાનો છોકરો) ભાઈને ગોળી વાગી છે.

સુશાંતના ભાઇ યામાહા શોરૂમના માલિક રાજકુમાર સિંહ તથા તેના સાથી અલી હસન સહિત વધુ 2 લોકોને શિકાર બનાવવામાં આવ્યા છે. ગોળી વાગવાને લીધે ત્રણેયને ગંભીર ઈજાઓ પહોંચી હતી. આ સમગ્ર મામલો સુશાંતના જન્મસ્થાન બિહારમાં આવેલ સહર્ષ જિલ્લાનો છે કે, જ્યાં નિર્ભય ગુનેગારોએ ફાયરિંગની ઘટનાને અંજામ આપવામાં આવ્યો છે.

હકીકતમાં, યામાહા શો રૂમના માલિક રાજકુમાર સિંહ પાસે સહર્ષ, સુપૌલ તથા મધેપુરા એમ 3 જિલ્લામાં યામાહા મોટરસાયકલોનો શો રૂમ આવેલો છે. આ દરમિયાન, મધેપુરા જતાં શનિવારે તેમને ગોળી વાગી હતી કે, જેમાં શો રૂમના માલિક રાજ કુમાર સિંહ તથા તેનો સાથી હસન અલી ખુબ ગંભીર રીતે ઘાયલ થયા હતા.

રાજકુમાર સિંહના સહાયક હસન અલીની હાલત વધુ નાજુક છે. રાજકુમાર સિંહના ભાઇના જણાવ્યા પ્રમાણે તે દરરોજ મધેપુરા શો રૂમમાં જતા હતા ત્યારે બાઇજનાથપુર ચોક નજીક મોટરસાયકલ પર સવાર 3 ગુનેગારોએ બાઇકને ઓવરટેક કર્યો હતો તેમજ ત્યારબાદ ગોળીબાર કરવામાં આવ્યો હતો.