November 24, 2024
Earthquake in Afghanistan: અફઘાનિસ્તાનના હેરાત પ્રાંતમાં ગઈકાલે આવેલા ભૂકંપના કારણે ઓછામાં ઓછા 2000 લોકોના મોત થયા હોવાની વાત સામે આવી છે. આ આંકડો તાલિબાન સરકારના પ્રવક્તાએ આપ્યો છે. દેશના માહિતી અને સંસ્કૃતિ મંત્રાલયના પ્રવક્તા અબ્દુલ વાહિદ રાયાને જણાવ્યું હતું કે હેરાતમાં આવેલા ભૂકંપમાં મૃત્યુઆંક મૂળ અહેવાલ કરતાં વધુ છે. તાત્કાલિક મદદની અપીલ કરતાં તેમણે કહ્યું કે લગભગ છ ગામો નાશ પામ્યા છે અને સેંકડો નાગરિકો કાટમાળ નીચે દટાયા છે.
યુએનના માનવતાવાદી કાર્યાલયના એક અપડેટમાં જણાવાયું છે કે, 465 મકાનો નાશ પામ્યા છે અને 135ને નુકસાન થયું છે.
પાર્ટનર્સ અને સ્થાનિક અધિકારીઓનો અંદાજ છે કે મૃતકોની સંખ્યામાં વધારો થઈ શકે છે કારણ કે ધ્વસ્ત ઈમારતો હેઠળ કેટલાક લોકો ફસાયા હોવાના અહેવાલો વચ્ચે શોધ અને બચાવ પ્રયાસો ચાલુ છે, યુએન ઓફિસે જણાવ્યું હતું.
Once again, children and families in Afghanistan have been affected by a devastating earthquake, this time in western Herat province.@UNICEFAfg is on the ground with our UN colleagues to assess the full impact. Our heartfelt condolences go out to all families affected. pic.twitter.com/BczC42jLnI
— UNICEF Afghanistan (@UNICEFAfg) October 7, 2023
Trending News
અત્રે ઉલ્લેખનીય છે કે, શનિવારે હેરાત પ્રાંતમાં ભૂકંપના ચાર આંચકા અનુભવાયા હતા. તાલિબાન સરકારમાં નાણા વિભાગના નાયબ વડા પ્રધાન અબ્દુલ ગની બરાદરે ઘાયલો અને મૃત્યુ પામેલા લોકો પ્રત્યે શોક વ્યક્ત કર્યો છે. તાલિબાને સ્થાનિક સંગઠનોને હેરાતના ભૂકંપ પ્રભાવિત વિસ્તારોમાં વહેલી તકે પહોંચવા વિનંતી કરી છે.
તાલિબાને કહ્યું છે કે, સહાય સંસ્થાઓએ શક્ય તેટલી વહેલી તકે ઘાયલોને હોસ્પિટલો પહોંચાડવા જોઈએ અને ભૂકંપને કારણે બેઘર થઈ ગયેલા લોકોને રહેવા માટે જગ્યાઓ પ્રદાન કરવી જોઈએ. તાલિબાને કહ્યું છે કે, સુરક્ષા એજન્સીઓએ કાટમાળ નીચે દટાયેલા લોકોને બહાર કાઢવામાં મદદ કરવી જોઈએ. લોકોને બહાર કાઢવા માટે ગમે તે સંસાધનોની જરૂર હોય તેનો ઉપયોગ કરો.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube