ચંદ્રયાન-3ની સફળતા બાદ ISROએ ‘આદિત્ય-L1’ને લઈને આપ્યા સારા સમાચાર- પૃથ્વીથી 9.2 લાખ કિલોમીટરનું અંતર કાપ્યું

Aditya L1 Mission News: ચંદ્રયાન-3 મિશનમાં મળેલી સફળતા પછી ISROએ શનિવારે ભારતના પ્રથમ સૂર્ય મિશન આદિત્ય-L1 વિશે સારા સમાચાર આપ્યા છે. સ્પેસ એજન્સીએ ISROએ કહ્યું છે કે, હવે તેનું અવકાશયાન સફળતાપૂર્વક પૃથ્વીના પ્રભાવના ક્ષેત્રમાંથી બહાર નીકળી ગયું છે. અત્યાર સુધી આદિત્ય-L1 (Aditya L1 Mission News) પૃથ્વીથી 9.2 લાખ કિલોમીટરથી વધુનું અંતર કાપ્યું હતું.

શું કહ્યું ISROએ ?
રાષ્ટ્રીય અવકાશ એજન્સીએ પોતાના ‘X’ પર એક નિવેદનમાં જણાવ્યું છે કે, આદિત્ય-L1 એ પૃથ્વીથી 9.2 લાખ કિલોમીટરથી વધુનું અંતર કાપ્યું છે. તે હવે સન-અર્થ લેગ્રેન્જ પોઈન્ટ-1(L1) તરફ ખુબ ઝડપથી આગળ વધી રહ્યું છે. આ બીજી વખત છે જ્યારે ISRO પૃથ્વીના પ્રભાવના ક્ષેત્રની બહાર અવકાશયાન મોકલી શક્યું છે. પ્રથમ વખત માર્સ ઓર્બિટર મિશનમાં મોકલવામાં આવ્યું હતું.

મળતી માહિતી અનુસાર, ISROએ આ મહિનાની શરૂઆતમાં જણાવ્યું છે કે, આદિત્ય-L1 સૌર મિશન અવકાશયાન એ ડેટા એકત્રિત કરવાનું શરૂ કર્યું છે જે વૈજ્ઞાનિકોને પૃથ્વીની આસપાસના કણોના વર્તનનું વિશ્લેષણ કરવામાં ખુબ મદદ કરશે. તેમાં કહેવામાં આવ્યું છે કે, L1ની આસપાસ એકત્રિત કરવામાં આવેલ ડેટા એનિસોટ્રોપી, સૌર પવનની ઉત્પત્તિ અને અવકાશના હવામાનની ઘટનાની માહિતી આપણે આપશે. નોંધનીય છે કે, 2 સપ્ટેમ્બરના રોજ ISRO દ્વારા PSLV-C57 રોકેટ દ્વારા આદિત્ય-L1નું પ્રક્ષેપણ સફળતાપૂર્વક પૂર્ણ થયું હતું.

Aditya-L1 Mission:

🔸The spacecraft has travelled beyond a distance of 9.2 lakh kilometres from Earth, successfully escaping the sphere of Earth’s influence. It is now navigating its path towards the Sun-Earth Lagrange Point 1 (L1).

🔸This is the second time in succession that…

— ISRO (@isro) September 30, 2023

આદિત્ય-L1 અવકાશયાન સૂર્યનો અભ્યાસ કરવા માટે કુલ સાત જુદા જુદા પેલોડ વહન કરે છે. તેમાંથી ચાર સૂર્યમાંથી પ્રકાશનું અવલોકન કરશે અને બાકીના ત્રણ પ્લાઝ્મા અને ચુંબકીય ક્ષેત્રના ઇન-સીટુ પરિમાણોને માપી શકશે. તમને જણાવી દઈએ કે, આદિત્ય L1માં બે મુખ્ય પેલોડ છે, વિઝિબલ એમિશન લાઇન કોરોનોગ્રાફી (VELC) અને સોલર અલ્ટ્રાવાયોલેટ ઇમેજિંગ ટેલિસ્કોપ (SUIT).

1,440 ઈમેજીસ ટ્રાન્સમિટ કરશે VELC પેલોડ
મળતી માહિતી અનુસાર, લેગ્રેન્જ પોઈન્ટ પર પહોંચ્યા પછી VELC પેલોડ દરરોજ 1,440 ઈમેજીસ ટ્રાન્સમિટ કરશે. તેથી આ પેલોડને આદિત્ય-L1 નું ખૂબ જ મહત્વપૂર્ણ પેલોડ માનવામાં આવી શકે છે. આદિત્ય-L1 ને લેગ્રેન્જ પોઈન્ટ 1 (L1) ની આસપાસ પ્રભામંડળની ભ્રમણકક્ષામાં મૂકવામાં આવશે. તે સૂર્યની આસપાસ સમાન સંબંધિત સ્થિતિમાં પરિભ્રમણ કરશે અને તેથી સતત સૂર્યનું અવલોકન કરી શકે છે.

• ગુગલ ન્યુઝમાં Trishul News Gujarati ની અપડેટ મેળવવા ક્લિક કરો:  Trishul News Gujarati 
• નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
• અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
• વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
• યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube