લ્યો બોલો… 4 બાળકોની માતાને ચડ્યો પ્રેમનો બુખાર – બાળકોને નોધારા મૂકી પ્રેમી સાથે થઈ ફરાર

Love story in Rajasthan: કહેવાય છે કે પ્રેમની કોઈ ઉંમર હોતી નથી. પ્રેમ ગમે ત્યારે કોઈને પણ થઈ શકે છે. પરંતુ બિહારના ખગરિયા જિલ્લાથી આશિકીનો જે મામલો સામે આવ્યો છે(Love story in Rajasthan) તે ખૂબ જ ચોંકાવનારો છે. જ્યાં 4 બાળકોની માતાને 2 બાળકોના પિતા સાથે એટલો પ્રેમ થઈ ગયો કે, તે તેના પતિ અને બાળકોને છોડીને તેના પ્રેમી સાથે ભાગી ગઈ.

હકીકતમાં, આ લવસ્ટોરીમાં પ્રેમની સાથે બદલાની ભાવના પણ છે. મામલો ખાગરિયા જિલ્લાનો છે. જ્યાં બે યુવકોએ એકબીજાની પત્ની સાથે લગ્ન કર્યા હતા. બિહારના ખગરિયા જિલ્લાના ચૌથમ બ્લોકના હરદિયા ગામના રહેવાસી નીરજના લગ્ન 2009માં પસરહા ગામની રૂબી દેવી સાથે થયા હતા. બંનેને ચાર સંતાનો પણ હતા, પરંતુ રૂબીદેવીનો પ્રેમસંબંધ ગામના મુકેશ સાથે ચાલતો હતો.

મુકેશ પણ પરિણીત હતો અને તેને બે બાળકો પણ હતા, પરંતુ કહેવાય છે કે પ્રેમ આંધળો હોય છે. પ્રેમ કરવાની કોઈ ઉંમર હોતી નથી. રૂબી અને મુકેશે આ કહેવતને અનુસરી અને બંને ભાગી ગયા. ત્યાર બાદ ફેબ્રુઆરી 2022માં લગ્ન કરી લીધા. આ દરમિયાન બંને તેમની બે પુત્રી અને એક પુત્ર સાથે ગામમાંથી ભાગી ગયા હતા.

પત્નીનું અપહરણ કરવા બદલ પતિએ પોલીસ સ્ટેશનમાં નોંધાવી FIR 
હરદિયા ગામના રહેવાસી નીરજને જ્યારે ખબર પડી કે, તેની પત્ની તેના પ્રેમી મુકેશ સાથે ભાગી ગઈ છે, નીરજે મુકેશ વિરુદ્ધ પસરાહા પોલીસ સ્ટેશનમાં અપહરણનો કેસ નોંધાવ્યો. નીરજે જણાવ્યું કે, ગામમાં ઘણી વખત પંચાયત પણ થઈ, પરંતુ મુકેશ રાજી ન થયો અને ભાગતો રહ્યો. આ મામલો એક વર્ષ સુધી ચાલ્યો. બદલો લેવા માટે નીરજ મુકેશની પત્ની સાથે ભાગી ગયો અને લગ્ન કરી લીધા. બંનેની પત્નીનું નામ રૂબી હતું.