સોસાયટીના ગેટ પર શાકભાજી વેચતા ફેરિયાઓની દાદાગીરી આવી સામે

સુરતમાં ચોરી ઉપરથી સીનાજોરી જેવી ઘટના સામે આવી છે. આ ઘટના સુરતના પર્વત પાટિયા વિસ્તારની છે.પર્વત પાટિયા વિસ્તારમાં આવેલી જલારામ સોસાયટી ના રહીશો ઉપર સોસાયટીના ગેટ પર દબાણ કરી ધંધો કરતા ફેરિયાઓ દ્વારા હુમલો કરવામાં આવ્યો હતો.

સીસીટીવી ફૂટેજમાં દેખાઇ રહ્યું છે તે પ્રમાણે ફેરિયાઓ ગેટને તોડી સોસાયટીમાં ઘૂસવાનો પ્રયાસ કર્યો હતો.સોસાયટીના રહીશોએ આ બાબતે પોલીસ સ્ટેશનમાં ફરિયાદ નોંધાવવા માટે પણ ગયા હતા.

પરંતુ આ વિસ્તાર લિંબાયત પોલીસ સ્ટેશનમાં આવશે કે પુણા પોલીસ સ્ટેશનમાં આવશે તેના માટે પણ માથાકુટ થઇ હતી. છેવટે પુણા પોલીસ સ્ટેશનમાં ફરિયાદ નોંધવામાં આવી હતી.