November 24, 2024
ઘણા લોકો પ્રાણીઓને પ્રેમ કરે છે પરંતુ અમદાવાદની ઝંખના શાહ કહે છે કે, તેણે અવાજ વિનાના લોકોની સેવા કરવાનું કામ પ્રેમના કારણે નહીં, પરંતુ તેમના દુ:ખને કારણે શરૂ કર્યું હતું. 45 વર્ષીય ઝંખનાનો પ્રાણીઓ પ્રત્યેનો પ્રેમ તેમના પિતાને જોઈને આવ્યો. તે આસપાસના કૂતરાઓને બ્રેડ અને બિસ્કિટ આપતી હતી.
પરંતુ કેટલાક ઘાયલ કૂતરાઓ કે જેઓ ચાલી શકતા નથી તેમને ખોરાક મેળવવામાં મુશ્કેલી પડે છે અને ઘણા લોકો આવા કૂતરા પાસે જતા ડરતા હોય છે. જ્યારે આવા પ્રાણીઓને વધુ પ્રેમની જરૂર હોય છે. વર્ષો પહેલા ઝંખનાએ આવો જ એક કૂતરો જોયો હતો, જેની કરોડરજ્જુ તૂટી ગઈ હતી. તે બરાબર ચાલી પણ શકતો ન હતો.
તેણે આ કૂતરાની સારવાર કરાવી અને આ ઘટના પછી, ઘાયલ થયેલા તમામ કૂતરાઓને તે મળી અને તેણે સારવાર અને ખોરાક જેવી તમામ જવાબદારીઓ લીધી. આ કામ પ્રત્યે તેનો લગાવ એટલો વધવા લાગ્યો કે, તેણે નક્કી કર્યું કે તે પોતાનું જીવન આ અવાજહીન લોકોની સેવામાં સમર્પિત કરશે. તેને તેના માતા-પિતાનો પણ પૂરો સહયોગ મળ્યો.
Trending News
સરકારી નોકરી સેવા માટે છોડી દીધી
જ્યારે તેણે આ કામ શરૂ કર્યું ત્યારે તે અભ્યાસ કરતી હતી. અભ્યાસ બાદ અમદાવાદમાં જ ખાનગી નોકરી કરવા લાગી. આ સાથે જ તે પ્રાણીઓ માટે કામ કરતી ઘણી એનજીઓ સાથે પણ જોડાયેલી હતી, જ્યાંથી તેને અનેક પ્રકારની માહિતી પણ મળવા લાગી.
તેણે ધીમે ધીમે પ્રાણીઓના અધિકારો અને તેમની સાથેની ક્રૂરતા સંબંધિત સજા વિશે પણ જાણ્યું. તેણે પોતે પણ કાયદાનો અભ્યાસ કર્યો છે, તેથી તેના માટે આ બધી બાબતો સમજવી અને તેનો અમલ કરવો સરળ હતો.
ઝંખનાને GSRTCમાં સરકારી નોકરી પણ મળી ગઈ. આ કામમાં તે દિવસમાં 14 કલાક પસાર કરતી હતી, જેના કારણે તે નજીકના કૂતરાઓને બે ટાઈમ પણ ખવડાવી શકતી ન હતી. આનાથી તેને એટલી પરેશાની થઈ કે તેણે એક મહિનામાં જ નોકરી છોડી દીધી.
હાલમાં, તે ઘરેથી કપડાંનો વ્યવસાય કરે છે અને તેની માતા સાથે રહે છે. વર્ષ 2019 માં, તેણે વધુ ભંડોળની આશામાં કરુણા ચેરીટેબલ ટ્રસ્ટ પણ શરૂ કર્યું છે. પરંતુ હવે તે એકલા કૂતરાઓને બચાવવાનું કામ કરે છે. જ્યારે તેના કેટલાક મિત્રો અને સંબંધીઓ પણ તેને કૂતરાઓને ખોરાક આપવાના કામમાં સાથ આપે છે. તે જ સમયે, તેને ટ્રસ્ટ દ્વારા 40 ટકા આર્થિક મદદ મળે છે, બાકીનો ખર્ચ તે પોતે જ ઉઠાવે છે.
તેમનું રોજનું કામ લગભગ 135 કૂતરાઓને બે સમયનું ભોજન આપવાનું છે. આ માટે દર મહિને લગભગ 20 હજાર રૂપિયાનો ખર્ચ થાય છે. તેના કામના સૌથી મોટા પડકાર વિશે વાત કરતાં તે કહે છે, “ઘણા લોકો પ્રાણીઓને ખોરાક આપતા નથી પરંતુ અન્ય લોકોને પણ તેમ કરતા અટકાવે છે. તો કૂતરા કે અન્ય પ્રાણીઓ ક્યાં જશે? આપણે બધાએ આ અવાજહીન પ્રત્યે થોડી વધુ માનવતા દાખવવાની જરૂર છે.”
તમે મદદ માટે ઝંખનાની સંસ્થા ‘કરૂણા ચેરિટેબલ ટ્રસ્ટ’નો 8000501861 પર સંપર્ક કરી શકો છો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.