અલ્પેશની ડબલ ઢોલકી ક્યાં સુધી ઠાકોર સમાજ સહન કરશે? જાણો શું કહ્યું ગેનીબેન ઠાકોર એ?

અલ્પેશ ઠાકોરને લઈ ફરી એક વાર ગુજરાતના રાજકારણમાં ગરમાટો આવ્યો છે. અલ્પેશ ઠાકોરની નાયબ મુખ્યમંત્રી નીતિન પટેલ સાથેની થયેલી મુલાકાત પછી અલ્પેશ ઠાકોર ભાજપ સાથે જોડાઈ શકે તેવી ચર્ચાઓ વહેતી થઇ હતી. ભાજપમાં જોડાવાની અટકળો વચ્ચે અલ્પેશ ઠાકોરે જણાવ્યું છે કે, કોંગ્રેસના કેટલાય ધારાસભ્યો દુઃખી છે અને 15થી વધુ ધારાસભ્યો કોંગ્રેસ છોડી દેશે. તમે રાહ જુઓ, સમય આવ્યે ખબર પડશે. કોંગ્રેસમાં કોઈ જ શિસ્ત નથી, જેથી હું નિરાશ હતો. અલ્પેશ ઠાકોરના આ નિવેદનને લઇને કોંગ્રેસના ધારાસભ્ય ગેનીબેન ઠાકોરે પ્રતિક્રિયા આપી હતી.

કોંગ્રેસના ધારાસભ્ય ગેનીબેન ઠાકોરે મીડિયા સાથે વાતચીત કરતા જણાવ્યું હતું કે, અલ્પેશ ઠાકોર કોંગ્રસ પર આક્ષેપ કરતા હોય કે, ભાજપના વખાણ કરતા હોય એ તેમનો વ્યક્તિગત નિર્ણય હશે અને તેમની વિચારધારા હશે. 15થી 16 ધારાસભ્યની વાત આવે એટલે મેં પણ કાલે ટીવીમાં જોયું કે, હજુ 15થી 16 ધારાસભ્યો જોડાઈ શકે છે. તો ધી બેસ્ટ એ રહેશે કે, કયા ધારાસભ્યો જોડાવાના છે, તેમની યાદી અલ્પેશ ઠાકોર પાસે જ મળે. એ વાત મને ખબર નથી.