November 24, 2024
SG Highway Accident News of Ahmedabad: રાજ્યમાં અકસ્માતના કિસ્સાઓ દિવસે ને દિવસે વધી રહ્યા છે.આજે જ વહેલી સવારે ગુજરાતમાં બે અકસ્માતના બનાવો સામે આવી રહ્યા છે. જેમાં એક વ્યક્તિનું મોત થયું છે, જ્યારે એકને ગંભીર રીતે ઈજા પોહચી છે. જેના કારણે તેને હોસ્પિટલમાં દાખલ કરવામાં આવ્યો છે.આજે અમદાવાદના S.G. હાઈવે(SG Highway Accident News of Ahmedabad) પર અને ભાવનગરના શિહોરમાં અકસ્માત સર્જાયો છે.
પકવાન બ્રિજ પર ટ્રક અને ટ્રાવેલ્સ વચ્ચે અકસ્માત
મળતી માહિતી અનુસાર, અમદાવાદના S.G હાઈવે પર આવેલા પકવાન બ્રિજ પર આઈસર ટ્રક અને ટ્રાવેલ્સ વચ્ચે એક અકસ્માત સર્જાયો છે. જેમાં આઈસર ટ્રકનું ટાયર ફાટતા રોડની એક તરફ લઈ જતી વખતે ટ્રાવેલ્સ બસ ધડાકાભેર અથડાઈ હતી. અકસ્માતને કારણે ડિવાઈડર પર આવેલા લાઈટનો થાંભલો નીચે ધરાશાયી થયો છે.
ટ્રાફિક પોલીસ દોડી આવી ઘટના સ્થળે
આ અકસ્માતમાં કોઈ જાનહાનિ થઈ નથી. આ અંગેની માહિતી મળતાની સાથે જ પોલીસની ટીમ ઘટના સ્થળે દોડી આવી હતી. હાલ SG-2 ટ્રાફિક પોલીસે અકસ્માતની ફરિયાદ નોંધી તપાસ શરૂ કરી દીધી છે.
Trending News
સિહોર પંથકમાં રખડતા ઢોરનો આંતક
તો ભાવનગર જિલ્લામાંથી પણ એક અકસ્માતનો બનાવ સામે આવી રહ્યો છે. ભાવનગરમાં રખડતા ઢોરને કારણે ફરીવાર એક વ્યક્તિનું મોત થયું છે. ભાવનગરના સિહોરના સણોસરા-નોઘણવદર રોડ પર બાઇક વચ્ચે ઢોર આવી જતાં અકસ્માત સર્જાયો હતો.
બાઈકસવારનું ઘટનાસ્થળે જ મૃત્યુ
આ અકસ્માતમાં એટલો ભયાનક હતો કે બાઈક સવારનું અનીશભાઈ મોતિયાભાઈનું ઘટના સ્થળે જ મોત નિપજ્યું હતું. જ્યારે તેમના પિતરાઈ ભાઈ ગંભીર રીતે ઈજાગ્રસ્ત થયા હતા. જેઓને તાત્કાલિક નજીકની હોસ્પિટલમાં સારવાર માટે લઈ જવામાં આવ્યા હતા. બાઈકસવાર અનીશભાઈનું અકાળે મૃત્યુ થતાં પરિવારમાં શોકનો માહોલ છવાઈ ગયો છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube