પ્રેમીથી નારાજ પ્રેમિકાએ મેટ્રો સ્ટેશન પર જઈ કર્યો આત્મહત્યાનો પ્રયાસ અને…, જુઓ વાઈરલ વિડીયો 

ફરીદાબાદ: આજકાલ આત્મહત્યાના બનાવો દિવસેને દિવસે વધી રહ્યા છે. આ દરમિયાન, ફરીવાર એક આત્મહત્યાનો કિસ્સો સામે આવ્યો છે. જેમાં હરિયાણાના ફરીદાબાદ જિલ્લામાં સેક્ટર-28 સ્થિત મેટ્રો સ્ટેશનમાં મોટી દુર્ઘટના થતાં રહી ગઈ હતી. જ્યાં પ્રેમીથી નારાજ એક યુવતીએ મેટ્રો સ્ટેશનથી કૂદીને આત્મહત્યા કરવાનો પ્રયાસ કરવામાં આવ્યો હતો. આ દરમિયાન, પોલીસ દ્વારા છેલ્લી ઘડીએ પહોંચીને યુવતીને આત્મહત્યા કરતા રોકી લેવામાં આવી હતી.

આ મામલાનો વીડિયો સોશિયલ મીડીયા પર વાયરલ થઈ રહ્યો છે. આ વીડિયોમાં સ્પષ્ટ જોઈ શકાય છે કે, એક યુવતી મેટ્રો સ્ટેશનની દીવાલથી કૂદવાનો પ્રયાસ કરી રહી છે. આ દરમિયાન, એક પોલીસકર્મી ત્યાં પહોંચ્યો અને તેને તેની પર કાબૂ મેળવી લીધો હતો. પરંતુ, પોલીસકર્મીની સમયસૂચકતાના કારણે યુવતીનો જીવ બચી ગયો હતો.

મળતી માહિતી મુજબ, એક ખાનગી કંપનીમાં પ્રેમી અને પ્રેમિકા બંને કામ કરે છે. હાલ પોલીસ આ અંગે તપાસ કરી રહી છે. યુવતી દિલ્હીની રહેવાસી હોય એવી પ્રાથમિક માહિતી મળી છે. યુવતીને મેટ્રો સ્ટેશનની છત પર ઊભી રહેલી જોઈને હાઇવે પર ચાલી રહેલ ટ્રાફિક અટકી ગયો હતો. સૂચના મળતા સીઆઇએસએફ અને મેટ્રો પોલીસ પણ સક્રિય થઈ ગઈ.