‘વીજળી સસ્તી કરો’ બેનર મશાલ લઈને ઊભા રહેલા AAP નેતાઓની ધરપકડ, પોલીસે માર માર્યો હોવાનો લાગ્યો આરોપ

ગુજરાત(Gujarat): આમ આદમી પાર્ટી(AAP) દ્વારા વિધાનસભાની ચૂંટણી(Assembly elections) પહેલા જનતાના મુદ્દાઓ ઉઠાવવા માટે તમામ પ્રકારની કોશિશો શરૂ કરી દેવામાં આવી છે. આમ આદમી પાર્ટી દ્વારા જ ગુજરાતમાં વીજળી મોંઘી હોવાના મુદ્દાને લઇને આંદોલન શરૂ કરી દેવામાં આવ્યું છે. ગુજરાતના લોકોને વીજળી સસ્તી મળે તે માટે આમ આદમી પાર્ટી દ્વારા વીજળી સસ્તી કરો આંદોલનની શરૂઆત કરવામાં આવી છે તે ભાગરૂપે ગઈકાલના રોજ અલગ અલગ સ્થળેથી મશાલ યાત્રાનું આયોજન કરવામાં આવ્યું હતું.

આમ આદમી પાર્ટીના વીજળી સસ્તી કરો આંદોલન દરમિયાન અમદાવાદમાં પણ આંદોલન શરુ થઇ ગયું છે. જેમાં શહેરના વટવા ખાતેર બેનર મશાલ લઈને ઊભા રહેલા આપના પ્રદેશ ઉપાધ્યક્ષ સાગર રબારી તથા અન્ય કાર્યકર્તાઓની ધરપકડ કરવામાં આવી હતી.

જયારે બીજી બાજુ સુરતના કાપોદ્રા વિસ્તારમાં વીજળી સસ્તી કરો આંદોલન દરમિયાન બેનર મશાલ લઈને ઉભા રહેલા આમ આદમી પાર્ટીના કોર્પોરેટર કુંદન કોઠીયા, ધર્મેન્દ્ર વાવલિયા, ઘનશ્યામ મકવાણા, તેમજ રજનીકાંત વાઘાણી, પરિમલ કાનાણી, રવી કળથીયા, દિશાંત પાંચાણી અને હરેશભાઈ કોઠિયાની ધરપકડ પોલીસ દ્વારા ધરપકડ કરવામાં આવી હતી.

ધરપકડ થયેલા નગરસેવક અને કાર્યકર્તાઓએ ગંભીર આરોપ લગાવતા કહ્યું છે કે, ધરપકડ કર્યા બાદ પોલીસ દ્વારા તેઓને માર મારવામાં આવ્યો હતો.