સુપ્રીમ કોર્ટનો રામ મંદિર નિર્માણ બાબતે મોટો નિર્ણય- જાણો અહીં

જેની તમામ દેશવાસીઓ ઉત્કંઠા અને આતુરતાપૂર્વક રાહ જોઇ રહ્યા છે તે અયોધ્યા કેસનો ચૂકાદો નવેમ્બરના મધ્યમાં આવે તેવી શક્યતા છે. સુપ્રીમ કોર્ટમાં ચાલી રહેલી સુનાવણી દરમ્યાન ચીફ જસ્ટીસ રંજન ગોગોઇએ 18 ઓક્ટોબર સુધીમાં તમામ દલીલો પૂર્ણ થઇ જશે તેવી આશા વ્યક્ત કરી છે. ચીફ જસ્ટીસની અધ્યક્ષતાવાળી બંધારણીય ખંડપીઠમાં હાલ એ બાબત પર મંથન ચાલી રહ્યું છે કે સુનાવણીમાં કેટલો સમય લાગશે. જો કે રંજન ગોગોઇએ જણાવ્યું કે એક મહિનામાં તમામ પક્ષોએ તેમની દલીલો પૂર્ણ કરવાના પ્રયાસો કરવા પડશે.

ચીફ જસ્ટીસની આગેવાનીમાં મળેલી પાંચ જજોની બેંચે બુધવારે સુનાવણી હાથ ધરી હતી. સુનાવણી દરમ્યાન તેમને મધ્યસ્થતા પેનલ તરફથી ચીઠ્ઠી મળી હતી. જેમાં એ વાતનો ઉલ્લેખ કરવામાં આવ્યો હતો કે, કેટલાક પક્ષો હજુ પણ મધ્યસ્થતા કરવા ઈચ્છે છે. જો આવું હોય તો તેના પર આગળ વધી શકાય.

The five-judge Constitution bench, headed by Chief Justice of India Ranjan Gogoi, also said, “simultaneously the mediation process can go along with the hearing, which is going on in SC, and if an amicable settlement is reached through by it, the same can be filed before the SC” https://t.co/55bPIJkt1t

— ANI (@ANI) September 18, 2019

જો કે સુપ્રીમ કોર્ટે એ પણ જણાવ્યું કે આ મામલામાં રોજની સુનાવણી બંધ નહીં થાય. સુનાવણી આજ રીતે ચાલતી રહેશે. સાથે જ અદાલતે વિશ્વાસ પણ અપાવ્યો હતો કે, મધ્યસ્થતાની પ્રક્રિયા તમામ રીતે ગોપનીય રાખવામાં આવશે. સુપ્રીમ કોર્ટ તરફથી કહેવામાં આવ્યું છે કે તેઓ 18 ઓક્ટોબર સુધીમાં તમામ કાર્યવાહી પૂર્ણ કરે કારણ કે બાદમાં ચાર અઠવાડિયા સુધી લીધેલા નિર્ણયને લેખિતમાં રજૂ કરવાનો હોય છે.