BCCI / જાહેર થયું ટીમ ઇન્ડિયાનું કોન્ટ્રાક્ટ લીસ્ટ… આ ખેલાડીઓ પર થયો કરોડો રૂપિયાનો વરસાદ

ખેલાડીઓનો વાર્ષિક કરાર ભારતીય ક્રિકેટ કંટ્રોલ બોર્ડે જાહેર કર્યો છે. આ જાહેર કરેલ કરાર ઓક્ટોબર 2022થી સપ્ટેમ્બર 2023 સુધી લાગુ રહેશે. દર વર્ષે ખેલાડીઓને BCCI A+, A, B અને C આમ ચાર શ્રેણીઓમાં વિભાજિત કરે છે. શ્રેણીઓ અનુસાર A+ કેટેગરીમાં જે ખેલાડીઓ હોય તેમને 7 કરોડ, A કેટેગરીમાં હોય તેને 5 કરોડ, B કેટેગરીમાં હોય તેને 3 કરોડ અને C કેટેગરીમાં હોય તેને 1 કરોડ રૂપિયા આપવામાં આવે છે. ત્યારે આ વર્ષે A+ કેટેગરીમાં એક નવો ખેલાડી દાખલ થયો છે.

BCCIએ દર વખતની જેમ કેપ્ટન રોહિત શર્મા, જસપ્રિત બુમરાહ અને વિરાટ કોહલીને વાર્ષિક કરારની A+ કેટેગરીમાં સ્થાન આપ્યું છે. ગયા વર્ષે પણ આ આ ખેલાડીઓને આ જ શ્રેણીમાં સ્થાન આપવામાં આવ્યું હતું. પરંતુ આ વર્ષે આ A+ કેટેગરીમાં એક નવું નામ પણ ઉમેરાયું છે.

આ વર્ષે રવિન્દ્ર જાડેજાને પણ A+ કેટેગરીમાં સામેલ કરવામાં આવ્યો છે. રવિન્દ્ર જાડેજા ગયા વર્ષ સુધી ખેલાડીઓની A શ્રેણીમાં સામેલ થતો હતો અને તેમને BCCI તરફથી વાર્ષિક રૂ.5 કરોડ મળતા હતા. પરંતુ આ વર્ષે ચાર ખેલાડીઓને BCCI તરફથી 7 કરોડ રૂપિયા પગાર આપવામાં આવશે.

ઘણા સ્ટાર ખેલાડીઓના નામ A શ્રેણીમાં છે. A શ્રેણીમાં હાર્દિક પંડ્યા, રવિચંદ્રન અશ્વિન, મોહમ્મદ શમી, અક્ષર પટેલ અને ઋષભ પંત ના નામનો સમાવેશ થઇ છે. A કેટેગરીના ખેલાડીઓને BCCI વાર્ષિક 5 કરોડ રૂપિયાનો પગાર આપશે. B કેટેગરીમાં ચેતેશ્વર પુજારા, સિવાય શુભમન ગિલ, સૂર્યકુમાર યાદવ, કેએલ રાહુલ, મોહમ્મદ સિરાજ અને શ્રેયસ અય્યરનો સમાવેશ થાય છે. આ ખેલાડીઓને BCCI વર્ષે 3 કરોડ રૂપિયા આપશે.