માતાની નજર સામે જ 5 વર્ષના બાળકને ભરખી ગયો કાળ, ટેમ્પો નીચે કડચાઈ જતા મળ્યું દર્દનાક મોત- ‘ઓમ શાંતિ’

સુરત(Surat): શહેરના પાંડેસરા(Pandesara) ભેસ્તાન(Bhestan) વિસ્તારમાંથી એક કાળજું કંપાવી દે તેવી ઘટના સામે આવી છે. જો વાત કરવામાં આવે તો દિવ્યાંગ પરિવારના પુત્રનું આઇસર ટેમ્પા નીચે કચડાઇ જવાને કારણે કરુણ મોત થયા હોવાની ઘટના સામે આવી છે. બાળક ફૂટપાથ નજીક રમી રહ્યો હતો ત્યારે માતાની આંખ સામે જ ટેમ્પો ચાલેકે 5 વર્ષના બાળકને કચડી નાખતા દર્દનાક મોત નીપજ્યું હતું. ઘટનાને લઈને પરિવારમાં શોકનું મોજું ફરી વળ્યું હતું. માતાની નજર સામે જ બાળક ટેમ્પો નીચે કડચાઈ જવાને કારણે માતા બેભાન પણ થઈ ગઈ હતી. સમગ્ર ઘટનાને લીધે પાંડેસરા પોલીસ દ્વારા આઈસર ટેમ્પા ચાલક સામે ગુનો નોંધવામાં આવ્યો છે અને તેની ધરપકડ કરી કાયદેસરની કાર્યવાહી હાથ ધરવામાં આવી છે.

મળતી માહિતી અનુસાર, સુરતના પાંડેસરા વિસ્તારમાં આવેલ ભેસ્તાન સિદ્ધાર્થ નગર આવાસમાં રહેતા પ્રકાશ દેવીપૂજક ફ્રૂટનું વેચાણ અને છૂટક મજૂરી કરીને પોતાના પરિવારનું ગુજરાન ચલાવી રહ્યા છે. પ્રકાશની પત્ની લતાબેન ઘર પાસે ફૂટપાટ પર ફ્રુટ વેચી પરિવારને મદદરૂપ થઇ રહ્યા છે. ત્યારે પ્રકાશની પત્ની ફ્રૂટ વેંચતા હતા ત્યારે 5 વર્ષના તેમનો પુત્ર અનમોલ ફૂટપાથ પર બેસીને મોબાઈલમાં ગેમ રમી રહ્યો હતો. આ દરમ્યાન રોડની બાજુમાં ફૂટપાથ પાસે આઇસર પાર્ક કરતા સમયે પાંચ વર્ષે બાળકને ટેમ્પા ચાલકે અડફેટે લઈ જીવતો જીવ કચડી નાખ્યો હતો.

મહત્વનું છે કે, આ દરમ્યાન એક આઈસર ટેમ્પા ચાલકે બાળકને અડફેટે લેતા બાળક ગંભીર રીતે ઈજાગ્રસ્ત થયું હતું. બાળકના માથા પર ટાયર ચડી જવાને કારણે બાળક ખુબ જ ગંભીર ઈજા થઇ હતી. બાળકને સારવાર માટે હોસ્પિટલ લઇ જવામાં આવતા ફરજ પરના તબીબો દ્વારા બાળકને મૃત જાહેર કરવામાં આવ્યું હતું.