ભાજપના પૂર્વ ધારાસભ્ય કોલેજિયન યુવતીની છેડતી કરતા રંગેહાથ ઝડપાયા, જુઓ વિડીયો

મહિલાઓ સાથે થઈ રહેલ શારીરિક તથા માનસિક અત્યાચારની ઘટનામાં સતત વ્દ્ધારો થતો જઈ રહ્યો છે ત્યારે હાલમાં પણ આવી જ એક ઘટનાને લઈ સમાચાર સામે આવી રહ્યાં છે. ઉત્તરપ્રદેશમાં આવેલ વારાસણીમાં છેડતીના આરોપમાં ભાજપના પૂર્વ ધારાસભ્યને લોકોએ જાહેરમાં જ બરાબરનો મેથી પાક ચખાડ્યો હતો.

આટલું જ નહીં પણ કાન પકડીને માફી પણ મંગાવવામાં આવી હતી. સમગ્ર ઘટનાનો વીડિયો સોશિયલ મીડિયા પર ખુબ વાયરલ થઈ રહ્યો છે. ઈંટર કોલેજના ચેરમેન તથા ભાજપના પૂર્વ ધારાસભ્ય માયા શંકર પાઠક પર એક વિદ્યાર્થીનીએ અશ્લિલ હરકત કરવાનો આક્ષેપ મુક્યો હતો. હાલમાં પોલીસ વાઈરલ વીડિયોની તપાસની વાત કરી રહી છે. પરિવારજનો દ્વારા પોલીસને કોઈ જાણ કરવામાં આવી નથી.

સીનિયર IPS અધિકારીએ કરી તપાસની માંગ:
ચૌબેપુર ભગતુઆના રહેવાસી માયાશંકર પાઠક કોલેજના ચેરમેન છે. છેડતીનો આક્ષેપ લગાવનાર વિદ્યાર્થીની પણ તેમની કોલેજમાં અભ્યાસ કરી રહી છે. છેડતી કર્યાના આરોપસર પરિવાજનો દ્વારા માયા શંકરને માર મારવામાં આવ્યો હતો. પરિવારજનોનો આરોપ રહેલો છે કે, ઘણીવાર તે દીકરીની સાથે ગંદી વાતો કરતો હતો.

છેવટે કંટાળીને જ્યારે વિદ્યાર્થીનીએ ઘરે સમગ્ર વાત જણાવી તો શનિવારે પરિવારજનો કોલેજમાં પહોંચી ગયા હતાં. માયાશંકરે જ્યારે ભૂલ સ્વીકારી તો તેને માર મારવામાં આવ્યો હતો. CO પિંડરા અભિષેક કુમાર પાંડે જણાવે છે કે, સોશિયલ મીડિયામાં પર વીડિયો ખુબ વાઈરલ થયો છે. જેની તપાસ ચાલી રહી છે.