આ શું બોલી ગયા ભાજપ નેતા… ‘છોકરીઓ એવા ગંદા કપડાં પહેરીને નીકળે છે કે…’ વાયરલ થયો વિડીયો

ભાજપ(BJP)ના મહાસચિવ કૈલાશ વિજયવર્ગીય(Kailash Vijayvargiya)એ ઈન્દોરમાં વિવાદિત નિવેદન આપ્યું છે. તેણે છોકરીઓના કપડા પર સવાલ ઉઠાવતા કહ્યું કે છોકરીઓએ સારા કપડાં પહેરવા જોઈએ, નહીં તો તેઓ શૂર્પણખા જેવા દેખાય છે. વિજયવર્ગીયએ આ નિવેદન હનુમાન જયંતિ(Hanuman Jayanti) પર જૈન સમાજના એક કાર્યક્રમ દરમિયાન આપ્યું હતું. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે.

કૈલાશ વિજયવર્ગીયએ કહ્યું, “અમે મહિલાઓને દેવી કહીએ છીએ. જો કે, અમને તેમનામાં દેવીઓનું સ્વરૂપ દેખાતું નથી, બલ્કે તેઓ શૂર્પણખા જેવી દેખાય છે. હું હનુમાન જયંતિ પર જૂઠું બોલીશ નહીં. જ્યારે હું રાત્રે બહાર જાઉં છું, ત્યારે મને નશામાં છોકરીઓ દેખાય છે. એવું લાગે છે કે, મારે કારમાંથી નીચે ઉતરવું જોઈએ અને તેમને ચાર-પાંચ થપ્પડ મારવી જોઈએ, હું ભગવાનના શપથ લેઉં છું, હું હનુમાન જયંતિ પર જૂઠું બોલતો નથી.”

“કેટલીક મહિલાઓ એવા કપડા પહેરીને નીકળે છે કે, કારમાંથી નીચે ઉતરીને થપ્પડ મારવાનું મન થાય છે તે શૂર્પણખા જેવી દેખાય છે.હું ક્યારેક જોઉં છું કે, ‘આજે પણ જ્યારે હું બહાર નીકળું છું ત્યારે હું ભણેલા-ગણેલા યુવકો અને બાળકોને નાચતા જોઉં છું, ખરેખર એવી ઈચ્છા થાય છે કે, પાંચ સાત એવી આપુ કે બધો નશો ઉતરી જાય. સાચુ કહી રહ્યું કે, ભગવાનની કસમ. હનુમાન જ્યંતિ પર જૂઠ નહી બોલું. વિજયવર્ગીયના વિવાદાસ્પદ નિવેદનનો વીડિયો હવે સોશિયલ મીડિયા પર ઝડપથી વાયરલ થઈ રહ્યો છે અને લોકો તેના પર વિવિધ રીતે ટિપ્પણી કરી રહ્યા છે.