મુસાફરોથી ભરેલી BRTS ઉભી રાખી પાણીપુરી ખાવા ભાગી ગયો ડ્રાઈવર, મુસાફરો રાહ જોઈ રહ્યા ને… વાયરલ થયો વિડીયો

અમદાવાદ(Ahmedabad): જો વાત કરવામાં આવે તો નાગરિકોને જાહેર પરિવહન સેવા માટે અમદાવાદ મ્યુનિસિપલ કોર્પોરેશન(AMC) દ્વારા બસ ટ્રાન્ઝિટ ટ્રાન્સપોર્ટ સર્વિસ (BRTS) સેવા શરૂ કરવામાં આવી છે. જેને દ્વારા અનેક લોકો આ બસનો ઉપયોગ કરે છે. ત્યારે હવે આ બધાની વચ્ચે અમદાવાદની BRTS બસના ડ્રાઇવરની મનમાનીનો એક વિડીયો સામે આવ્યો છે. વિડીયોમાં જોઈ શકાય છે કે, બસના ડ્રાઈવરે ચાલુ બસ રોકી દીધી હતી અને પાણીપૂરીની જિયાફત માણી હતી.

 

View this post on Instagram

 

A post shared by Trishul News (@trishulnews)

મળતી માહિતી અનુસાર, ઝુંડાલ સર્કલથી ત્રિમંદિર રૂટના બસના ડ્રાઇવરનો આ વિડીયો હોવાનું સામે આવ્યો છે. અડાલજ સ્વાગત સિટી નજીક આ રીતે બસ ઊભી રાખીને ડ્રાઇવરે પાણીપૂરી ખાધી હોવાની જાણકારી મળી છે.

ચાલુ ફરજ દરમિયાન બસ રોકી અને પાણીપૂરી ખાવા ગયેલા બસ ડ્રાઈવરનો વિડીયો તપાસ કરવામાં આવતા 1 એપ્રિલ 2023ના રોજનો હોવાનું સામે આવ્યું છે. જયારે ડ્રાઇવરનું નામ નીરજ પરમાર છે. અમદાવાદ જનમાર્ગ લિમિટેડ દ્વારા આ BRTS બસ ડ્રાઇવરને સસ્પેન્ડ કરી દેવામાં આવ્યો છે અને 1000 રૂપિયાનો દંડ વસૂલવામાં આવ્યો છે. બસ ઓપરેટર ટાટાની સામે પણ કાર્યવાહી કરવામાં આવી છે અને તેને રૂ.15,000નો દંડ ફટકારવામાં આવ્યો છે.