November 26, 2024
સુરત શહેર માંથી આપઘાતની વધુ એક ઘટના સામે આવી છે. શહેરના પાલનપુર વિસ્તારમાં રહેતી ફિઝિયોથેરાપિસ્ટ યુવતીની તાપી નદીમાંથી લાશ મળી આવતા ચકચાર મચ્યો છે. ઘટના અંગે પોલીસનું જણાવવું છે કે, યુવતીએ તાપીમાં છલાંગ લગાવી આપઘાત કર્યો છે. તમને જણાવી દઈએ કે, આ યુવતીના 27 દિવસ પહેલા જ લગ્ન થયા હતા. તાપીમાં મોતની છલાંગ લગાવી આપઘાત કરી લેતા ઘણા સવાલો ઉભા થયા છે. ફિઝિયોથેરાપિસ્ટ યુવતીના અકાળે મોતથી પરિવારમાં માતમ છવાઈ ગયો છે.
લગ્નના એક મહિનામાં જ ફિઝિયોથેરાપિસ્ટ યુવતીનો આપઘાત
શહેરના પાલનપુર પાટિયામાં આવેલી શ્રી રંગ સોસાયટીમાં રહેતી 25 વર્ષીય હેમાંગી પટેલ ફિઝિયોથેરાપિસ્ટ હતી. હેમાંગી પટેલના 27 દિવસ પહેલા જ ડેરિક સાથે લગ્ન થયા હતા. ડેરિક ઓનલાઇનના બિઝનેસ સાથે સંકળાયેલો હતો. લગ્નના 27 દિવસમાં જ એવું શું થયું કે, યુવતીએ આવું પગલું ભર્યું. તે સવાલો ઉભા થયા છે.
હેમાંગી પટેલ ગઈકાલે એટલે કે મંગળવારે નોકરીએ જવાનું કહીને ઘરેથી નીકળી હતી. પછી હેમાંગી પાછી આવી જ નહોતી. ત્યારબાદ કોઈ ખબર ન મળતા પરિવાર હેમાંગીની શોધખોળમાં લાગી ગયો હતો. ઘણી શોધખોળ બાદ પણ હેમાંગીનો કોઈ પતો લાગ્યો નહતો, ત્યારે બુધવારે સવારે હેમાંગીની હનુમાન ટેકરી નજીક તાપી નદીમાંથી લાશ મળી આવતા હાહાકાર મચી ગયો હતો. ઘટનાની જાણ થતા સિંગણપોર પોલીસ સ્ટાફ તાત્કાલિક ઘટના સ્થળે પહોચી ગયો હતો.
Trending News
ગઈકાલે બપોરના સમયે હેમાંગી ઘરેથી નોકરી પર જવા માટે નીકળી હતી. ત્યારબાદ હેમાંગી કલીનીક પર પહોચી ન હતી, કલીનીક પરથી ફોન પણ કરવામાં આવ્યો હતો કે, હેમાંગી કેમ કલીનીક પર પહોચી નથી. કલીનીકથી ફોન આવતા જ પરિવારજનોએ હેમાંગીની શોધખોળ શરુ કરી હતી. લાંબી શોધખોળ બાદ કોઈ અતોપતો ન મળતા પરિવારે તેરાંદેર પોલીસ મથકમાં ગુમ થયાની ફરિયાદ નોંધાવી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.