લાખો યુવાનોના દિલમાં ‘કાલીન ભૈયા’ નાં નામથી પ્રખ્યાત પંકજ ત્રિપાઠીનો આજે છે જન્મદિન, જાણો એમની સંઘર્ષની કહાની

પંકજ ત્રિપાઠી કે, જેમણે OTT પ્લેટફોર્મમાં પોતાની ઉત્કૃષ્ટ હાજરી નોંધાવી છે. આજે તેઓ વેબ સિરીઝ શૈલીના અનક્રાઉન્ડ કિંગ છે, જેને નકારી શકાય નહીં. બિહારના ગોપાલગંજ જિલ્લાના નાના ગામ બેલસંડથી આવેલા 45 વર્ષીય પંકજ ત્રિપાઠીએ ‘મિર્ઝાપુર’ સીરીઝમાં ‘કાલિન ભૈયા’ની ભૂમિકા ભજવીને સાબિત કર્યું છે કે તેમની પાસે અભિનયની કુશળતા રહેલી છે.

પંકજ ત્રિપાઠી કે, જેઓ આજે પોતાનો જન્મદિવસ ઉજવી રહ્યા છે. તેમનું પાત્ર માત્ર લોકોને જ પસંદ નથી પરંતુ તેમના અભિનયની સ્પષ્ટતા પણ તેમના પાત્રોમાં જોવા મળે છે. પંકજ માને છે કે, અભિનેતાઓનો સ્ટારડમ ગ્રાફ તેના અભિનય સાથે ઉપર-નીચે જતો રહે છે પરંતુ અભિનેતા હંમેશા તે વાર્તાઓનો એક ભાગ બનવા માંગે છે કે, જે દર્શકોના દિલ સુધી પહોંચી શકે.

પંકજ ત્રિપાઠી અત્યંત વ્યસ્ત અભિનેતામાંનાં એક છે, માત્ર વેબ સિરીઝમાં જ નહીં પરંતુ આજના યુગમાં ફિલ્મોમાં અભિનય કરનારા કલાકારોમાં. તેની ફિલ્મોની લાઇનઅપને જોતા, તેઓ વ્યસ્ત કલાકાર છે. તેની ફિલ્મ ’83’ રિલીઝની રાહ જોઈ રહી છે. આ ફિલ્મમાં તે ભારતીય ક્રિકેટ ટીમના મેનેજર પીઆર માનસિંહની ભૂમિકામાં જોવા મળશે.

વર્ષ 2019 માં આ ફિલ્મનું શૂટિંગ લંડનમાં થયું હતું. પંકજે શૂટિંગ પહેલા ત્રણ પાંસળીઓ તૂટી ગઈ હતી, તેમ છતાં તેણે ફિલ્મનું શૂટિંગ ચાલુ રાખ્યું હતું. પંકજ ત્રિપાઠીની આવી સહનશીલતા જ એમણે મહાન અભિનેતા બનાવે છે. પંકજે 2004 માં ‘રન’માં નાની ભૂમિકાથી પોતાની કારકિર્દીની શરૂઆત કરી હતી.