અહિયાં થયો ભયંકર બોમ્બ વિસ્ફોટ: હુમલામાં એકસાથે 5 લોકોના મોત

ઇસ્લામાબાદ: અફઘાનિસ્તાનમાં કટ્ટરપંથી તાલિબાનના કબજા પછી તેની આડઅસર પાકિસ્તાનમાં પણ દેખાવા લાગી છે. પાકિસ્તાનના સિંધ પ્રાંતમાં ગુરુવારે વિસ્ફોટ થયો હતો, જેમાં શિયા સમુદાયના 5 લોકો માર્યા ગયા હતા.

મળતી માહિતી અનુસાર, પાકિસ્તાનના સિંધ પ્રાંતના બહવાન નગરમાં શિયા સમુદાયના લોકો તેમનું સરઘસ કાઢી રહ્યા હતા. તે દરમિયાન સરઘસ પર હુમલો થયો હતો. આ હુમલામાં 5 લોકો માર્યા ગયા અને લગભગ 40 લોકો ઘાયલ થયા હતા.આ હુમલા પછી ઘટનાસ્થળે ભાગદોડ મચી ગઈ હતી. જેની આડમાં હુમલાખોરો ત્યાંથી ભાગી ગયા હતા.

પાકિસ્તાન એક ઈસ્લામિક દેશ છે. પણ ત્યાં શિયા, અહમદી અને કાદિયાની મુસ્લિમો હંમેશા કટ્ટરવાદીઓના નિશાન રહ્યા છે. કટ્ટરવાદીઓના દબાણ હેઠળ પાકિસ્તાન સરકારે કાયદો બનાવીને અહમદીઓને બિન-મુસ્લિમ જાહેર કર્યા છે. તે જ સમયે, કટ્ટરવાદીઓ શિયા મુસ્લિમો પર હુમલા કરતા રહ્યા. જ્યારે શિયાઓ મોહરમની આસપાસ તેમના શોક સરઘસ કાઢી રહ્યા છે, ત્યારે કટ્ટરવાદીઓ તેમના પર હુમલો કરવામાં અચકાતા નથી.