સુરતમાં ગુંડારાજ! બુટલેગરો બેફામ બનીને કરી રહ્યા છે હપ્તા વસુલી- પૈસા ન આપતા ગરીબના પેટે માર્યું પાટું

ગુજરાત(Gujarat): રાજ્યમાં દિવસેને દિવસે લુખ્ખા તત્વોનો આતંક વધી રહ્યો છે. ત્યારે સુરત(Surat)માં લુખ્ખા તત્વોની કરતૂતો સામે આવી રહી છે. અહીં હપ્તા વસૂલી કરનાર શખ્સોની કરતૂત CCTV કેમેરામાં કેદ થઈ જવા પામી છે. આ હપ્તા ખોરો(Instructors)ને જાણે પોલીસનો ડર જ ન હોય તેવી રીતે બેફામ બનીને હપ્તા વસુલી કરી રહ્યા છે.

મળતી માહિતી અનુસાર સુરતના કાપોદ્રા વિસ્તારમાં બુટલેગરો હપ્તાવસુલી કરતા હોવાનું સામે આવ્યું છે. જો લુખ્ખા તત્વોને હપ્તો ન આપવામાં આવતા દુકાનમાં તોડ ફોડ કરવામાં આવી હતી. આ સમગ્ર ઘટના હાલમાં સીસીટીવીમાં કેદ થઇ જવા પામી છે.

દારૂ વેચવા માટે બેફામ બનેલા બુટલેગરો હવે દુકાનદાર પાસેથી તોડ કરીને પૈસા ઉઘરાવી રહ્યા છે અને જો તેને પૈસા ન આપવામાં આવે તો બેફામ બનીને દુકાનમાં તોડફોડ કરી રહ્યા હોવાનું પણ સ્પષ્ટપણે આ સીસીટીવી વિડીયોમાં જોઈ શકાય છે.