એક જ અઠવાડિયામાં સુરતમાં બીજું કુટણખાનુ ઝડપાયું- વરાછા વિસ્તારના સ્પામાં એક મહિલા અને ત્રણ પુરુષો…

સુરત (Surat) શહેરમાં વધુ એક સ્પા (Spa) ની આડમાં ચાલી રહેલા દેહવ્યાપારના ધંધાનો પર્દાફાશ થયો છે. બે દિવસ પહેલા પણ સુરતના વેસુ (Vesu) વિસ્તારના સફલ સ્ક્વેરમાં સ્પાની આડમાં કુટણખાનુ ધમધમી રહ્યું હતું, હજુ એ ઘટનાને બે ત્રણ દિવસ થયાને આજે ફરી એક વખત આવી જ એક બીજી ઘટના સામે આવી છે.

મળતી માહિતી અનુસાર, સુરત શહેરના વરાછા વિસ્તારમાં, બાતમી મળતા પોલીસે એક મસાજ પાર્લરમાં દરોડા પાડયા હતા. આ મસાજ પાર્લરમાં મસાજની આડમાં કુટણખાનુ ધમધમી રહ્યું હતું. આ મસાજ પાર્લર વરાછા વિસ્તારના પોદાર આર્કેડમાં આવેલું છે.

પોલીસને બાતમી મળી હતી કે, આ દુકાનમાં મસાજની આડમાં દેહવ્યાપાર જેવા ગોરખ ધંધા થઈ રહ્યા છે. બાતમી મળતાં જ પોલીસે આ મસાજ પાર્લરમાં રેડ કરી હતી. અને ખરેખર પોલીસને કઢંગી હાલતમાં એક મહિલા અને ત્રણ પુરુષો મળ્યા હતા. તાત્કાલિક પોલીસે એક મહિલા સહિત ત્રણ શખ્સોની અટકાયત કરી હતી, અને આગળની કાર્યવાહી હાથ ધરી હતી.