November 24, 2024
ધનતેરસ(Dhanteras): આ વર્ષે ધનતેરસ 23 ઓક્ટોબરે અને દિવાળી(Diwali) 24 ઓક્ટોબરે મનાવવામાં આવશે. જો કે, દર વર્ષે ધનતેરસનો તહેવાર(festival) દિવાળીના બે દિવસ પહેલા ઉજવવામાં આવે છે. પરંતુ આ વખતે તારીખોના સંયોગને કારણે દિવાળી ધનતેરસના બીજા દિવસે એટલે કે નરક ચતુર્દશીના દિવસે ઉજવવામાં આવશે. ધનતેરસના આ દિવસે ભગવાન ધનવંતરી, દેવી લક્ષ્મી અને કુબેર દેવની પૂજા કરવામાં આવે છે.
ધનતેરસ પર ખરીદી માટે ભારે ઉત્તેજના જોવા મળે છે. કહેવાય છે કે ધનતેરસના દિવસે નવી વસ્તુઓ ખરીદવી ખૂબ જ શુભ હોય છે. આ દિવસે જે પણ વસ્તુઓની ખરીદી કરવામાં આવે છે. તેમાં તેર ગણો વધારો થાય છે, તેથી લોકો ધનતેરસના દિવસે વાહનોથી લઈને સોનું, ચાંદી અને વાસણોની ખરીદી કરે છે. આજકાલ વધતી જતી મોંઘવારીને કારણે દરેક વ્યક્તિ માટે સોનું, ચાંદી કે વાહન ખરીદવું શક્ય નથી. પરંતુ સોના-ચાંદી સિવાય પણ કેટલીક એવી વસ્તુઓ છે, જે માતા લક્ષ્મીને ખૂબ જ પ્રિય છે. તમે તેને ધનતેરસના દિવસે ખરીદી શકો છો.
ધનતેરસના દિવસે સાવરણી ખરીદો
હિન્દુ ધર્મમાં સાવરણી દેવી લક્ષ્મી સાથે સંબંધિત માનવામાં આવે છે, તેથી ધનતેરસના દિવસે ઘરમાં નવી સાવરણી લાવવી પણ શુભ માનવામાં આવે છે. જો તમે આ ધન તેરસ પર સોનું અને ચાંદી ખરીદી શકતા નથી, તો અવશ્ય નવી સાવરણી ખરીદો જે શુભ માનવામાં આવે છે.
Trending News
પિત્તળના વાસણો
ધનતેરસના દિવસે પિત્તળના વાસણો ખરીદવા ખૂબ જ શુભ માનવામાં આવે છે. તેનાથી તમારા ઘરમાં સુખ-સમૃદ્ધિ આવે છે. કહેવાય છે કે જ્યારે ધન્વંતરી દેવ સમુદ્ર મંથનમાંથી પ્રગટ થયા ત્યારે તેમના હાથમાં અમૃત કળશ હતો. એવી ધાર્મિક માન્યતા છે કે આ કલશ પિત્તળ ધાતુનો હતો, તેથી પિત્તળને ધન્વંતરી દેવની ધાતુ માનવામાં આવે છે.
ગોમતી ચક્ર
એવું કહેવાય છે કે ગોમતી ચક્ર દેવી લક્ષ્મીને પ્રિય છે. ધનતેરસના દિવસે તેને ખરીદો અને ઘરે લાવો. સાંજે દેવી લક્ષ્મીની પૂજા કરતી વખતે ગોમતી ચક્રની પૂજા કરો. તે પછી તેમને પૈસાની જગ્યાએ રાખો. એવું માનવામાં આવે છે કે આનાથી તમારું ધન સ્થાન હંમેશા પૈસાથી ભરેલું રહે છે.
આખા ધાણા
ધનતેરસના દિવસે ધાણા ખરીદવા પણ ખૂબ જ શુભ માનવામાં આવે છે. ધનતેરસના દિવસે આખા ધાણા લાવીને દેવી લક્ષ્મીને અર્પણ કરો. પછી તેને તમારા ઘરના બગીચામાં, ખેતરમાં કે વાસણમાં વાવો. એવું માનવામાં આવે છે કે આના કારણે આખા વર્ષ દરમિયાન તમારા ઘરમાં કોઈ કમી નહીં આવે અને સુખ-શાંતિ બની રહેશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.