November 25, 2024
ઓગસ્ટમાં કેન્દ્ર સરકારે બધા રાજ્યોને બે વિકલ્પ આપ્યા હતા. આ અંતર્ગત કાં તો તેઓ આરબીઆઈ દ્વારા પૂરી પાડવામાં આવેલી વિશેષ સુવિધા દ્વારા 97,000 કરોડ રૂપિયાની લોન લઈ શકે છે, અથવા તેઓ બજારમાંથી 2.35 લાખ કરોડ રૂપિયાની લોન લઈ શકે છે.
ગુડ્સ એન્ડ સર્વિસ ટેક્સ(GST) આવકની અછતને પહોંચી વળવા કેન્દ્ર સરકારે મંગળવાર ના રોજ 20 રાજ્યોને બજારમાંથી 68,825 કરોડ રૂપિયાની લોન લેવાની મંજૂરી આપી છે. નોંધનીય છે કે જીએસટી કાઉન્સિલની સોમવારે મળેલી બેઠકમાં જીએસટી સંગ્રહમાં અછતને પહોંચી વળવા કેન્દ્ર સરકારની રાજ્યો પાસેથી લોન લેવાના પ્રસ્તાવ અંગે કોઈ પણ રાજ્યની સહમતી જોવા મળી ન હતી.
આ લોન લેવાનો નિર્ણય તે પછી લેવામાં આવ્યો છે. આ નાણાકીય વર્ષમાં રૂ. 2.35 લાખ કરોડ નું નુકસાન થયા હોવાનો અંદાજ છે. ઓગસ્ટમાં કેન્દ્ર સરકારે રાજ્યોને બે વિકલ્પ આપ્યા હતા. આ અંતર્ગત કાં તો તેઓ આરબીઆઈ દ્વારા પૂરા પાડવામાં આવેલી વિશેષ સુવિધા દ્વારા 97,000 કરોડ રૂપિયાની લોન લઈ શકે છે, અથવા તેઓ બજારમાંથી 2.35 લાખ કરોડ રૂપિયાની લોન લઈ શકે છે. આ ઉપરાંત, 2022 પછી, લોનની ચુકવણી કરવા અંગે પણ વિચારણા કરવામાં આવશે, પરંતુ આરામદાયક અને સામાજિક દ્રષ્ટિકોણથી પણ તે પ્રસ્તાવને દરખાસ્ત કરવામાં આવ્યો હતો.
Trending News
મંગળવારે જાહેર કરાયેલા સત્તાવાર નિવેદનના અનુસાર, નાણાં મંત્રાલયે ખર્ચ વિભાગ હેઠળના 20 રાજ્યોને ખુલ્લા બજારમાંથી વધારાના 68,825 કરોડ રૂપિયા કરતા વધારે લોન લેવાની મંજૂરી આપી હતી. તેમાં જણાવાયું છે કે, “કુલ રાજ્ય સ્થાનિક ઉત્પાદન(GST) ના 0.5 ટકા ના દરથી લોન લેવાની મંજૂરી આપવામાં આવી છે.
જીએસટીના અમલીકરણને કારણે મહેસૂલ વસૂલાતના ઘટાડાને પહોંચી વળવા નાણાં મંત્રાલયે આપેલા બે વિકલ્પોમાંથી પ્રથમ વિકલ્પ પસંદ કર્યો છે.” 27 ઓગસ્ટે જીએસટી કાઉન્સિલની બેઠકમાં આ બંને વિકલ્પો રાખવામાં આવ્યા હતા તથા ત્યારબાદ 29 ઓગસ્ટે રાજ્યોને વિસ્તૃત માહિતી આપવામાં આવી હતી.
નિવેદન મુજબ, “વીસ રાજ્યોએ પ્રથમ વિકલ્પ પસંદ કર્યો છે. જેમાં નીચે મુજબના રાજ્યોનો સમાવેશ થાય છે, ‘આંધ્રપ્રદેશ, અરુણાચલ પ્રદેશ, આસામ, બિહાર, ગોવા, ગુજરાત, હરિયાણા, હિમાચલ પ્રદેશ, કર્ણાટક, મધ્યપ્રદેશ, મહારાષ્ટ્ર, મણિપુર, મેઘાલય, મિઝોરમ, નાગાલેન્ડ, ઓડિશા, સિક્કિમ, ત્રિપુરા, ઉત્તર પ્રદેશ અને ઉત્તરાખંડ.’ તથા બીજા આઠ રાજ્યોએ હજી સુધી કોઈ વિકલ્પ પસંદ કર્યો નથી.”
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle