બોસ હોય તો આવા, દિવાળી બોનસમાં ઓફીસના કર્મચારીઓને આપી કાર અને બાઈક્સ

દિવાળીના તહેવારોની સિઝનમાં બોનસ અને ગિફ્ટ(Diwali Bonus and Gift) ની પ્રક્રિયા શરૂ થઈ ગઈ છે. ચેન્નાઈમાં એક જ્વેલરી શોપ(Jewellery shop)ના માલિકે તેમના સ્ટાફને દિવાળી ગિફ્ટમાં કાર અને બાઈક આપી છે. જ્વેલરી શોપના માલિક જયંતિ લાલે પોતાના સ્ટાફને આપેલી ગિફ્ટથી બધાને ચોંકાવી દીધા છે. જયંતિ લાલે તેમના સ્ટાફને 10 કાર અને 20 બાઇક ગિફ્ટ કરી છે. આવી ભેટ મળ્યા બાદ અનેક કર્મચારીઓની ખુશીની આંખમાં આંસુ આવી ગયા હતા.

પ્રોત્સાહિત કરવા માટે ભેટ
દિવાળીની ભેટ તરીકે પોતાના કર્મચારીઓને બાઇક અને કાર આપનાર જયંતિ લાલે કહ્યું, “કર્મચારીઓએ દરેક ઉતાર-ચઢાવમાં મારો સાથ આપ્યો છે. તેમને પ્રોત્સાહિત કરવા માટે આ ભેટ આપવામાં આવી છે. અમે 10 લોકોને કાર અને 20 લોકોને એક બાઇક દિવાળીની ભેટ તરીકે આપી છે.

Chennai, Tamil Nadu | A jewellery shop owner gifted cars and bikes to his staff as Diwali gifts

They have worked with me through all ups and downs. This is to encourage their work. We are giving cars to 10 people and bikes to 20: Jayanthi Lal, owner of the jewellery shop (16.10) pic.twitter.com/xwUI0sgNRn

— ANI (@ANI) October 17, 2022

પરિવાર જેવા છે કર્મચારીઓ 
જયંતિ લાલે કહ્યું કે, મારા સ્ટાફે પરિવારની જેમ કામ કર્યું છે. તેઓ માત્ર મારા કર્મચારીઓ નથી, પરંતુ મારો પરિવાર છે. આવી સ્થિતિમાં, તેમને આવી ભેટ આપીને, હું તેમની સાથે પરિવારની જેમ વ્યવહાર કરવા માંગુ છું. તેમણે કહ્યું કે દરેક માલિકને તેના કર્મચારીઓ પર ગર્વ હોવો જોઈએ. જ્યારે જયંતિ લાલે પોતાના કર્મચારીઓને આ ગિફ્ટ આપી ત્યારે તેમાંના કેટલાકને આશ્ચર્ય થયું તો કેટલાક હર્ષના આંસુથી છલકાયા.