માતાની નજર સામે ડાઘીયા કુતરાએ બાળકને ફાડી ખાધો, પેટ ફાડી આતરડા પણ બહાર કાઢી નાખ્યા

સોમવારે સાંજે નોઇડામાં એક કૂતરાએ એક વર્ષના બાળક પર જાનલેવા હુમલો કર્યો હતો. કૂતરાએ બાળકનું પેટ ફાડી નાખ્યું હતું. જેના કારણે તેના આંતરડા બહાર આવી ગયા હતા. સોસાયટીના લોકોએ બાળકને નોઈડાની રિયાલિટી હોસ્પિટલમાં દાખલ કર્યો હતો. જ્યાં સર્જરી કરવા છતાં બાળકનો જીવ બચાવી શકાયો ન હતો.

સોસાયટીના રહીશે જણાવ્યું કે રાજેશ તેની પત્ની સપના સાથે સેક્ટર-110માં રહે છે. દંપતીને એક વર્ષનું બાળક છે. સોમવારે સપના બાળક સાથે લોટસ બુલેવાર્ડ સોસાયટીના ગાર્ડનમાં આવી હતી. આ દરમિયાન ટાવર 30 પાસે 3 કૂતરાઓએ બાળકને ઘેરી લીધું હતું.

બાળકને ફાડી ખાતું જોઈ માતા દોડી…
જ્યારે બાળકને કૂતરાએ ફાડી ખાધો ત્યારે સપના ત્યાં જ હતી. બાળકની ચીસો સાંભળીને તે તેની તરફ દોડી. ત્યાં સુધીમાં બાળકના શરીરમાં ઘણી જગ્યાએ કૂતરાઓ ફાડી ખાધું હતું. તેના શરીરમાંથી લોહી વહી રહ્યું હતું. કોઈ રીતે બાળકનો બચાવ થયો અને પછી તેને હોસ્પિટલ લઈ ગયા.

શ્વાનને નસબંધી કરીને સોસાયટીમાં છોડી દેવામાં આવ્યા
સોસાયટીના લોકોએ જણાવ્યું કે થોડા દિવસ પહેલા મહાનગરપાલિકા દ્વારા કૂતરાઓની નસબંધી કરવામાં આવી હતી. આ પછી, તેને અહીં પાછો લાવીને છોડી દીધા હતા. જો નસબંધી કરનારા કૂતરાઓને અહીં લાવીને છોડી દેવામાં આવે તો સમસ્યાનો ઉકેલ ક્યાં આવ્યો? આ જ કારણ છે કે હવે અમે બાળકોને ઘરની બહાર નીકળવા નથી દેતા.