સુરતના રસ્તાઓ પર યમરાજ બનીને ફરી રહી છે સીટી બસ: એક સાથે ૪ બાળકોને કચડ્યા- ૩ ના મોત

ભાજપ શાસનમાં સુરત મહાનગરપાલિકાની “સીટી બસ સેવા” બેદરકાર વહીવટના કારણે દિન પ્રતિદિન બની રહી છે “કાળમુખી સેવા”.

ભાજપ શાસિત સુરત મહાનગરપાલિકા સંચાલિત “સીટી બસ સેવા” કે, જેને થોડા દિવસો પહેલા લખનૌ ખાતેની કોઈ કહેવાતી ખાનગી પ્રોફેશનલ સંસ્થા દ્વારા “બેસ્ટ સીટી બસ સર્વિસ કેટેગરી” માટે “કમેન્ડેબલ ઈનીશીએટીવ એવોર્ડ” પ્રાપ્ત થયો.

આવી ભાજપ શાસનમાં કહેવાતી સીટી બસ સેવા કે જેના ઈજારદારો ચાર્ટડ સ્પીડ,હંસા અને મારૂતિ વિગેરેને આજદિન સુધી અસંખ્ય અકસ્માતો માટે શાસકોના આશીર્વાદથી વહીવટીતંત્ર દ્વારા એ.સી. ચેમ્બરમાં બેસી માત્ર નોટીસ/પેનલ્ટી વસુલાત કરી સંતોષ માની લેવાની પરંપરાએ આજે વધુમાં ડીંડોલી ખાતે સુમન (માધ્યમિક) શાળાના 3 વિદ્યાર્થીઓનો ભોગ લીધો હતો.