અરે બાપ રે… સ્ટેચ્યુ ઓફ યુનિટી ખાતે કમાન્ડો ઓપરેશન? કોણ ઘૂસી આવ્યું જાણો જલ્દી…

Commando operation at Statue of Unity: આઝાદીના અમૃત મહોત્સવ અવસરે ભારત દેશ G-20ની પ્રમુખ આગેવાની કરી રહ્યું છે ત્યારે નર્મદા જિલ્લામાં આવનાર સમયમાં એકતાનગર ખાતે G-20 સમિટનું આયોજન કરવામાં આવ્યું છે. જેને ધ્યાને લઈ પ્રવાસીની સલામતી તથા સુરક્ષા વ્યવસ્થાની ચકાસણીના ભાગરૂપે જિલ્લા કલેકટરશ્રી અને જિલ્લા મેજીસ્ટ્રેટ શ્રીમતી શ્વેતા તેવતિયાના(Commando operation at Statue of Unity) પ્રેરક માર્ગદર્શન અને રાહબરી હેઠળ તથા CEO ની નિગરાની તળે ગઇકાલે તા.03 જુલાઈ,2023 ને સોમવારના રોજ સવારે એકતાનગર (કેવડીયા) ખાતે વિવિધ સ્થળોએ સફળ મોકડ્રીલ યોજાઈ હતી. અને દિલધડક ઓપરેશન ચેતક કમાન્ડો દ્વારા કરવામાં આવ્યું હતું.

વિશ્વના પ્રવાસનના નકશામાં અંકિત થયેલી સ્ટેચ્યુ ઓફ યુનિટી અને તેની આસપાસના અન્ય સ્થળો ફૂડકોર્ટ, સરદાર સરોવર નર્મદા બંધ, ધ ફર્ન હોટલ, ટેન્ટ સિટી 01-02, એકતા મોલ ખાતે આતંકી હૂમલો થતાં અનેક પ્રવાસીઓને આતંકીઓએ બાનમાં લીધા હતા. ચાર જેટલા સશસ્ત્ર આતંકીઓ આ તમામ સ્થળોએ ઘુસી પ્રવાસીઓને બાનમાં લેવા અંગેના સમાચાર ઈમર્જન્સી રિસ્પોન્ડ ટીમ અને જિલ્લા વહીવટી મળતા જ તંત્રએ સતર્ક થઈને વિવિધ ફોર્સને ઓપરેશનના ભાગેરૂપે એક્ટિવ કરી આતંકી હુમલાના સ્થળે પોલીસ ખડકી દઈ કોર્ડન કર્યુ હતુ.

આતંકી હુમલાની જાણ થતાં જ સૌ પ્રથમ તે તરફ જતા રસ્તાઓને વાહન વ્યવહાર માટે સલામતી-સુરક્ષા માટે બંધ કરી સ્થાનિક પોલીસ દ્વારા સ્થિતિ નિયંત્રણમાં કરવામાં આવી હતી. ત્યારબાદ સ્થાનિક પોલીસ અને SOGની ટીમોએ આતંકી હુમલા વાળી જગ્યાઓને કોર્ડન કરી ઘેરો બનાવી આતંકવાદીઓ સામે પડકાર ફેંક્યો હતો.

આતંકી હુમલાની ઘટનાને ધ્યાને લઈ તેની ગંભીરતા જાણી જિલ્લા વહીવટી તંત્ર દ્વારા સ્ટેટ ડિઝાસ્ટર કન્ટ્રોલ રૂમ અને ઈમર્જન્સી રિસ્પોન્ડ ટીમની મદદ લઈ હુમલાની ઘટનામાં ઓપરેશન માટે ગાંધીનગરથી ચેતક કમાન્ડોની ટીમની જરૂરિયાત જણાતા તેની માગણી કરી હતી. ચેતક કમાન્ડોની ટીમ એકતાનગર ખાતે તાત્કાલિક આવી પહોંચતા ડિઝાસ્ટર રિસ્પોન્ડીંગ ઓફિસર દ્વારા હુમલાની ઘટના અંગે નકશાના માધ્યમથી સ્થળ સ્થિતિથી કોમ્યુનિકેશન દ્વારા વાકેફ કરતા ચેતક કમાન્ડોની ટીમો દ્વારા તાબડતોડ કુનેહ પૂર્વક તમામ સ્થળોએ ઓપરેશન પાર પાડી આતંકીઓને ઠાર કર્યા હતા. તો કેટલાંકને જીવિત પકડી લેવામાં સફળ રહ્યાં હતા. બિલ્ડીંગ અને અન્ય પ્રવાસન સ્થળોએ ફસાયેલા બંધક લોકોને આતંકીઓના કબજામાંથી મુક્ત કરાવ્યા હતા.

બુલેટપ્રુફ, સુરક્ષા બોર્ડ, નાઈટ વિઝન કેમેરા, MP-5 ગ્લોક પિસ્ટલ, એસ.આઈ.જી.,એ.કે.47 જેવા હથિયારોથી સજ્જ કમાન્ડો બ્લેક ડ્રેસકોડમાં કોર્ડનીંગ અને સર્ચ ઓપરેશન રજે રજનું ખૂણે ખાચરે કર્યુ હતુ. આ સમગ્ર ઓપરેશન દરમિયાન વિવિધ સ્થળોએ નર્મદા જિલ્લા લોકલ પોલીસ, સીઆઈએસએફ, એસઆરપીએફ, એસઓજીની ટીમ, ડોગ સ્ક્વોડ, ફાયર બ્રિગેડ, આરોગ્ય વિભાગની એમ્બ્યુલન્સ ટીમ દ્વારા સારવાર અંગે જરૂરી પ્રક્રિયા હાથ ધરી હતી. તેમની જરૂરિયાત મુજબની ફરજો અદા કરી સમગ્ર મોકડ્રીલમાં સફળતા પૂર્વક સહયોગ પૂરો પાડ્યો હતો.

આ દુર્ઘટનાના મોકડ્રીલના સફળ ઓપરેશન બાદ નાયબ પોલીસ અધિક્ષક સુશ્રી વાણી દૂધાતના અધ્યક્ષપદે ડી-બ્રિફિંગ બેઠક યોજાઈ હતી. જેમાં CISFના ડેપ્યુટી કમાન્ડન્ટ શ્રી નિર્ભયસિંગ, નાયબ જિલ્લા પોલીસ અધિક્ષક (SOU-સલામતી)ના શ્રી મયુરસિંહ રાજપૂત, ચેતક કમાન્ડોના પી.આઈ. શ્રી એન.બી. બારોટ વગેરે તરફથી આ બેઠકમાં ઓપરેશન દરમિયાન સલામતી અંગે ધ્યાને આવેલા મુદ્દાઓ અને રજૂ થયેલા તારણો અંગે જરૂરી ચર્ચા-વિચારણા કરાઈ હતી.

ભવિષ્યમાં આવી કોઈ સંભવત: દુર્ઘટના અચાનક સામે આવે તેવા સમયે ખાસ બાબતોની પૂર્તતા સાથે આગોતરું અટકાયતી ઉપચારાત્મક આયોજન ઘડી કાઢવા અને આપત્તિ વ્યવસ્થાપન સાથે સંકળાયેલા તમામ વિભાગોના અધિકારી/કર્મચારીઓને એકબીજા સાથે સંદેશા વ્યવહારની ઝડપી આપલે કરવાની સાથોસાથ રિઅલટાઈમ તમામ અધિકારીઓ અને એજન્સીઓ વચ્ચે સુસંકલન માર્ગદર્શન સતત જારી રહે તે સુનિશ્વિત કરવાની સુચના આપી હતી.

ઉક્ત ડિ-બ્રિફીંગ બેઠક બાદ માહિતી વિભાગની ફરજ પરની ટુકડી સાથેના સંવાદમાં સુશ્રી વાણી દૂધાતે જણાવ્યું હતું કે, એકતાનગર ખાતે સરદાર સરોવર, સ્ટેચ્યૂ ઓફ યુનિટી જેવા મહત્વના સંવેદનશીલ સ્થળો આવેલા છે.ત્યાં લાખોની સંખ્યામાં દેશ-વિદેશના પ્રવાસીઓ આવે છે. તેની સુરક્ષા ચકાસણીના ભાગરૂપે તથા આગામી સમયમાં G-20ની બેઠકનું કેવડિયા ખાતે યોજાનાર છે તેના ભાગ સ્વરૂપે આ તમામ મહત્વના સ્થળોએ મોકડ્રીલનું આયોજન કર્યું હતું.

મોકડ્રીલમાં વિવિધ કસરતો જેવીકે બિલ્ડીંગ એન્ટરવેશન, ચેકપોસ્ટ, બોમ્બ બ્લાસ્ટ જેવી પ્રવૃત્તિને કેન્દ્રમાં રાખીને યોજાઈ હતી. આ મોકડ્રીલમાં જિલ્લા પોલીસ, એસઆરપી, CISF, ડોગ સ્ક્વોડ, ફાયર બ્રિગેડ, આરોગ્ય વિભાગ, સિવિલ ડિપાર્ટમેન્ટ સહિત સંબંધિત વિભાગની ટીમોએ સમયવર્તે સાવધાનીથી ભાગ લીધો હતો. સફળતા પૂર્વક આ મોકડ્રીલ યોજાઈ હતી.

• ગુગલ ન્યુઝમાં Trishul News Gujarati ની અપડેટ મેળવવા ક્લિક કરો:  Trishul News Gujarati 
• નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
• અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. 
• વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
• યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube