May 22, 2024
Vadodara News: ગુજરાત રાજ્ય સહિત આખા દેશભરમાં ગણપતિ વિસર્જન અને ઈદનો તહેવારની ઉજવાણી કરવામાં આવી હતી, જયારે આ તહેવાર પર વડોદરાના (Vadodara News) પાદરામાં શાંતિ ડહોળવાનો પ્રયાસ કરવામાં આવ્યો છે.પાદરામાં કોમી છમકલાથી બે કોમના લોકો સામ સામે આવી ગયા હતા. અને તેના કારણે મોડી રાત્રે બે કોમ વચ્ચે ધીંગાણું થયું હતું, જે પછી પોલીસ દોડતી થઈ હતી. જે બાદ પોલીસે મોડી રાતે કોમ્બિંગ હાથ ધરી 10થી વધુ લોકોની અટકાયત કરવામાં આવી હતી.
બે કોમના ટોળા આવી ગયા સામ-સામે
વડોદરાના પાદરામાં આવેલા અંબાજી તળાવ પાસે કેટલાક યુવકો મંદિર નજીક પ્રસાદનું વિતરણ કરી રહ્યા હતા. ત્યારે નીકળેલા જુલુસમાં સામેલ કેટલાક યુવકો દ્વારા વાંધાજનક ઈશારા અને લોકોની ધાર્મિક લાગણી દુભાય તેવા શબ્દોનો ઉચ્ચારણ કરતા આ સમગ્ર મામલો ગરમાયો હતો. આ પછી બંને કોમના ટોળા સામસામે આવી જતા પરિસ્થિતિએ એક જંગ બની ગઈ હતી. આ સમયે હિન્દુ એકતા સંગઠનના યુવકની સોનાની ચેન પણ લૂંટી લેવામાં આવી હતી.
વડોદરાના પાદરામાં મોડી રાત્રે બે કોમ વચ્ચે ધીંગાણું#Vadodara #Eid #clash #Police pic.twitter.com/V7av1E3o4Y
— Trishul News (@TrishulNews) September 30, 2023
જિલ્લાની પોલીસ બોલાવી લેવાઈ
જે પછી હિન્દુ સંગઠનોના લોકો મોટી સંખ્યામાં પાદરા પોલીસ સ્ટેશન ખાતે પોહચી ગયા હતા અને પોલીસ સ્ટેશન ખાતે હોબાળો મચાવીને દોષિતોને કડક સજાની માંગ કરવામાં આવી હતી. હિન્દુ સંગઠને તાત્કાલિક ધોરણે આરોપીઓને પકડવાની ઘણી માંગ કરી હતી. પાદરા પોલીસ મથકે 13 લોકો સામે નામજોગ ફરિયાદ પણ નોધી હતી. રાત્રી દરમિયાન મામલો બિચકતા જિલ્લાની પોલીસ બોલાવી લેવામાં આવી હતી. તો ઘટનાને લઇ SP રોહન આનંદ પાદરા પોલીસ મથક ખાતે પણ તરત જ દોડી આવ્યા હતા.
10થી વધુ લોકોની અટકાયત
ત્યારપછી પોલીસ એક્શન મોડમાં આવી ગઈ હતી, પાદરાના વિવિધ વિસ્તારોમાં પોલીસે મોડી રાત્રે કોમ્બિંગ પણ હાથ ધર્યું હતું. તે દરમિયાન પોલીસે 10થી વધુ શખ્સોને રાઉન્ડઅપ કર્યા હતા.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
Trending News
