ટોક્યો ઓલિમ્પિક પર કોરોનાનો ખતરો: ખેલોના મહાકુંભમાં પ્રથમ કેસ નોંધાતા કટોકટી જાહેર

ટોક્યો ઓલિમ્પિક 2020ની શરૂઆતને માટે માત્ર 6 દિવસ બાકી છે. ઘણા દેશોના ખેલાડીઓ રમતના સ્થળ પર પહોંચી ગયા છે. ભારતની પ્રથમ બેચ પણ આજે ટોક્યો જવા રવાના થશે. કુલ ખેલાડીઓ ટોક્યો જવા માટે રવાના થશે.

રમતો મહાકુંભની શરૂઆતની પહેલા જ એક ટોક્યોથી સમાચાર આવ્યા છે કે, રમતના સ્થળ પર કોરોનાનો પહેલો કેસ નોંધાયો છે. આ પ્રકારની માહિતી આયોજકો દ્વારા આપવામાં આવી છે. ટોક્યો ઓલિમ્પિક્સ 23 જુલાઈથી 8 ઓગસ્ટ દરમિયાન યોજવાનો છે.

ટોક્યોના આયોજન સમિતિના પ્રવક્તા માસા ટાકાયાએ એક પ્રેસ કોન્ફરન્સમાં કહ્યું હતું કે, ‘રમતગમત સ્થળ પર એક વ્યક્તિ કોરોના પોઝિટિવ મળ્યો છે. આ રમતગમતના સ્થળ પર પ્રથમ કેસ નોંધાયો છે. આ કેસ સ્ક્રીનીંગ પરીક્ષણ દરમિયાન મળી આવ્યો હતો.

ઓલિમ્પિક દરમિયાન કોરોના સંક્રમણમાં વધારો થશે તેવા ડરને કારણે જાપાનની રમતો પૂર્ણ થાય ત્યાં સુધી કોરોના ઇમરજન્સી જાહેર કરી દેવામાં આવી છે. જાપાન સરકાર દ્વારા હાલમાં જ આ પ્રકારની જાહેરાત કરવામાં આવી છે.