ગુજરાત પર વધુ એક સંકટ: મોટા ભાગના જળાશયો થયા ખાલીખમ, લોકોના જીવ ચોટયા તાળવે

ગુજરાત રાજ્યમાં આ વર્ષે ચોમાસું ભલે બહેલું આવી ગયું હોય પરંતુ આ વર્ષે રાજ્યમાં પાણીની ભારે કટોકટી સર્જાણી છે. તેની પાછળનું મુખ્ય કારણ રાજ્યમાં મોટાભાગના જળાશયો ખાલીખમ થઇ ગયા છે. રાજ્યમાં કુલ 206 જળાશયો એવા છે કે જેમા માત્ર 36 ટકા પાણી જ ઉપલબ્ધ છે. જયારે બીજી બાજુ અત્યાર સુધીમાં રાજ્યમાં ફક્ત 20% જેટલો જ વરસાદ પડ્યો છે.

બીજી બાજુ સૌરાષ્ટ્રમાં અને દક્ષિણ ગુજરાતમાં સારો વરસાદ નોંધાયો છે. જેમાં અમરેલી, દ્વારકા અને જાફરાબાદમાં ખુબ જ ધમાકેદાર વરસાદ પડ્યો છે. જયારે બીજી બાજુ મધ્ય ગુજરાત અને ઉત્તર ગુજરાતમાં ખુબ જ ઓછો વરસાદ નોંધાયો છે.

મધ્ય ગુજરાત અને ઉત્તર ગુજરાતમાં વરસાદ ઓછો પડવાને કારને ખેતીને ખુબ જ મોટું નુકસાન થવાની શક્યતા છે. જેને લીધે ખેડૂતો ચિંતામાં મૂકાઈ ગયા છે અને વરસાદ ક્યારે પડશે તેની રાહ જોઈ રહ્યા છે. જયારે બીજી બાજુ વરસાદ પાછો ખેંચાતા રાજ્યના જળાશયોમાં પણ પાણીનું સ્તર નીચે આવી ગયું છે.

રાજ્યમાં 100% પાણીથી ભરાયેલા માત્ર 2 જ જળાશયો રહ્યા છે. હજુ તો વરસાદ પાછો ખેંચાશે તો પાણીની ખુબ જ ગંભીર કટોકટી સર્જાઈ શકે છે. રાજ્યમાં 13 જેટલા જળાશયો એવા છે કે જેમાં માત્ર 70% ટકા પાણી છે. જયારે અન્ય 14 જેટલા જળાશયો એવા છે કે જેમાં 50% ટકા પાણી છે. અન્ય 62 જેટલા જળાશયો એવા છે કે જેમાં 25% ટકા જેટલું પાણી રહ્યું છે. જ્યારે 112 જેટલા જળાશયો એવા છે કે જેમાં 25% ટકા કરતા પણ ઓછું પાણી છે.