કોંગ્રેચ્યુલેશન તમે મંત્રી બની ગયા: શપથગ્રહણનાં 3 કલાક પહેલા જ સી આર પાટીલે જાતે કર્યા આ ધારાસભ્યોને ફોન

ગુજરાત (Gujarat) ના નવા મુખ્યમંત્રી તરીકે ભુપેન્દ્ર પટેલ (Bhupendra Patel) ની આજ રોજ ગાંધીનગર (Gandhinagar) માં યોજાવા જઇ રહેલ નવા મંત્રીમંડળની શપથવિધિ (Swearing) ને લઇને મોટા સમાચાર સામે આવી રહ્યાં છે. નવા મંત્રીમંડળની રચનાને લઇ ધારાસભ્યોને ફોન કરવાના શરૂ કરી દેવામાં આવ્યા છે.

જેમાં ગણદેવીના ધારાસભ્ય નરેશ પટેલને મંત્રી બનવા માટેનો ફોન આવ્યો હતો. જયારે બીજી તરફ મજૂરાના ધારાસભ્ય હર્ષ સંઘવીને પણ મંત્રી બનવા માટેનો ફોન આવ્યો છે. મોરબીના ધારાસભ્ય બ્રિજેશ મેરજાને પણ ફોન આવ્યો હતો. આની સાથે જ લીંબડીના ધારાસભ્ય કિરીટસિંહ રાણાને પણ મંત્રી બનવા માટેનો ફોન આવ્યો છે.

જયારે કાંકરેજના ધારાસભ્ય કિર્તિસિંહ વાઘેલાને પણ મંત્રી બનવા માટેનો ફોન આવી ગયો છે. આની ઉપરાંત કપરાડાના ધારાસભ્ય જીતુભાઇ ચૌધરી, કેશોદના MLA દેવા માલમ, MLA મનીષા વકીલ, પ્રાંતિજના ધારાસભ્ય ગજેન્દ્રસિંહ પરમારને પણ ફોન આવ્યા છે.

આની સાથોસાથ જ ઋષિકેશ પટેલ, અરવિંદ રૈયાણી, કનુભાઇ દેસાઇ, રાઘવજી પટેલ સહિતના ધારાસભ્યો આજે શપથ ગ્રહણ કરશે. મહત્વની વાત તો એ છે કે, ગુજરાતની નવી સરકારમાં 22 જેટલા મંત્રીઓ આજે શપથ ગ્રહણ કરશે. અમરેલી જિલ્લાના એક માત્ર ભાજપ ધારાસભ્ય જે. વી. કાકડીયાને તેમજ સુરતના ઓલપાડનાં ધારાસભ્ય મુકેશ પટેલને પણ શપથ માટે કોલ આવ્યા હતા.